Рөстәм Миңнеханов: «Торак комплекслар төзелеше социаль объектлар үсеше белән бергә алып барылырга тиеш»

Рөстәм Миңнеханов: «Торак комплекслар төзелеше социаль объектлар үсеше белән бергә алып барылырга тиеш»

<div class="detail-picture"> <img src="https://kzn.ru/upload/iblock/89e/file_photoreport3_print_7736459_5505197.jpg"> <p class="detail-picture__caption"> Фото: ТР Президенты матбугат хезмәте </p> </div> <p> (Казан шәһәре KZN.RU 20-нче ноябрь). Бүген Тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия утырышында катнашучылар Казан территориясендә торак төзелеше өлкәсендәге кайбер инвестицион проектларны гамәлгә ашыру турында фикер алыштылар. Чарада ТР Президенты Рөстәм Миңнеханов, ТР Президенты ярдәмчесе Олеся Балтусова, ТР төзелеш, архитектура һәм торак-коммуналь хуҗалык министры Марат Айзатуллин, Казан Мэры Илсур Метшин һәм башкалар катнашты. </p> <p> «Торак комплекслар төзү социаль объектлар: балалар бакчалары, мәктәпләр үсеше белән бергә алып барылырга тиеш», – диде республика башлыгы, тарихи җирлекләрдә яңа төзелешкә карата төп таләпләрнең берсе – катларны элеккегечә калдыру дип тә билгеләп үтте. </p> <p> Комиссия әгъзалары Адмиралтейская, Яхин, Мәскәү, Нариманов, Габдулла Тукай һәм Курашов урамнарындагы торак төзелеше өлкәсендә кайбер инвестицион проектларны, шулай ук Подлужная урамындагы «Казансу» подстанциясе бинасының тышкы кыяфәтен төзекләндерү һәм Татарстан Республикасы буенча Россия Федераль салым хезмәтенең 25 нче Октябрь урамындагы 20-нче номерлы районара административ бинасын реконструкцияләү проектларын тормышка ашыруны хупладылар. </p> <p>  <img width="870" src="https://kzn.ru/upload/iblock/ad4/file_photoreport3_print_7736459_5505203.jpg" height="653"> </p> <p> Республика башлыгы Петербург урамындагы ике проект буенча (кунакханә тибындагы күп функцияле комплекс һәм сәүдә-кунакханә комплексы) төзелешнең Тихомирнов урамындагы юл торышына ничек йогынты ясавын игътибар белән өйрәнергә кушты. </p> <p> Утырышта катнашучылар шулай ук Шамов хастаханәсе комплексының өченче чираты проекты белән таныштылар. Бинаның тышкы кыяфәте гомуми стилистикага гармонияле туры килсен өчен, фасадны бизәүне эшләп бетерергә тәкъдим ителде. </p> <p> Моннан тыш, Зөя утрау-шәһәре территориясендә торак йортлар төзү һәм реконструкцияләү проектлары хупланды һәм Лаешта Җамигъ мәчете комплексы төзелеше проекты каралды – аны эшләп бетерергә тәкъдим ителде, дип хәбәр итә ТР Президенты матбугат хезмәте. </p> <p> <a href="https://president.tatarstan.ru/pressa/photoreports/photoreport/7736459.htm" target="_blank">Фоторепортаж</a> </p> <p> <a href="https://president.tatarstan.ru/pressa/videoreports/video/7736459.htm" target="_blank">Видеорепортаж</a> </p>

2021-11-20T19:59:03+0300