Путин: БРИКС саммиты Казанда 2024 елда узачак

РФ оешмада киләсе елда рәислек итәчәк

Фото: kremlin.ru

(Казан шәһәре KZN.RU, 23 нче август). Россия 2024 елда БРИКС рәисе булачак. РФ Президенты Владимир Путин хәбәр иткәнчә, очрашу киләсе елның октябрендә Казанда планлаштырыла.

«Без 200 ләп сәяси, икътисади һәм иҗтимагый чара планлаштырабыз, аларны Россиянең дистәдән артык шәһәре кабул итәчәк. Шул ук вакытта БРИКСның югары дәрәҗәдәге очрашуын без 2024 елның октябрендә Казан шәһәрендә уздырырга ниятлибез», - диде Путин саммитта видеоконференция форматында чыгыш ясаганда.

Төгәл даталар соңрак дипломатик каналлар аша килештереләчәк.

БРИКС – халыкара берләшмә, аңа Россия, Бразилия, Һиндстан, Кытай, Көньяк Африка Республикасы керә.