Идел буе районы прокуратурасы балигъ булмаган яшүсмернең хезмәт хокукларын яклады

Идел буе районы прокуратурасы балигъ булмаган яшүсмернең хезмәт хокукларын яклады

<p> Казанның Идел буе районы прокуратурасы яшүсмергә хезмәт хакын түләмәгән эшмәкәрне тикшергән. </p> <p> Узган елның февралендә балигъ булмаган кыз чәчәк кибетенә эшкә урнаша. Әмма җирле эшмәкәр хезмәт хакын барыбер түләмәгән. Мәктәп укучысының шикаятеннән соң прокуратура эш бирүченең яшүсмер белән хезмәт килешүе төземәгәнлеген һәм эшкә алу турында боерык чыгармаганлыгын ачыклаган. </p> <p> Тикшерү нәтиҗәләре буенча Казанның Идел буе районы прокуратурасы җирле эшмәкәрне административ хокук бозулар турындагы РФнең 5.27 маддәсенең 4 өлеше буенча административ җаваплылыкка тартты. Хезмәт мөнәсәбәтләрен билгеләү турындагы дәгъва канәгатьләндерелгән – эш бирүчене хезмәт хакын түләргә һәм документларны рәсмиләштерергә мәҗбүр иткәннәр, дип хәбәр иттеләр ТР прокуратурасы матбугат хезмәтендә. </p>

2025-02-19T13:53:00+0300