КФУ профессоры: бүген казанлылар ай тотылуын гади күз белән күрә алачак

Астрономик күренешне, әгәр шәһәр өстендәге күк ачык булса, тәүлекнең караңгы вакытында 21:00 сәгатьтән соң күзәтергә мөмкин булачак.

Фото: Денис Гордийко

(Казан шәһәре KZN.RU, 5 нче май). Бүген казанлылар ай тотылуын күрә алачак. Ул 20:23 сәгатьтә ачык булып күренәчәк, шул вакытта Айның төньяк чиге караңгыланачак. Астрономик күренешне 21:00 сәгатьтән соң, караңгы төшкәч күзәтү яхшырак. Ай тотылуны гади күз белән күрергә мөмкин.

Астрономия обсерваториясе директоры, КФУның Физика институты профессоры Юрий Нефедьев сүзләренчә, тотылу 4 сәгать 17 минут дәвам итәчәк. Ай, Үлчәү йолдызлыгында булып, Җирнең көньяк ярым күләгәсе аша узачак.

«Ай тотылулары тулы һәм өлешчә була. Тулы тотылу вакытында ай кызгылт төскә керә. Өлешчә тотылу вакытында ул шулай ук төсен үзгәртә, ләкин бу очракта ул азрак сизелә. Бүген Ай гадәттәгедән бераз алсуырак булачак», – дип аңлатты галим.

Шулай ук укыгыз

Барлык яңалыклар