Профессиональ спортчылар инвалидлыгы булган кешеләр өчен инклюзив онлайн-күнегүләр үткәрә

Якындагы ике ай дәвамында дәресләрне һәр чәршәмбе үткәрергә планлаштырыла.

(Казан шәһәре KZN.RU, 9-нчы июнь). Профессиональ спортчылар «Дуслык өчен ерак аралар киртә түгел!» акциясе кысаларында инклюзив онлайн-күнегүләр үткәрә, аның максаты - балаларга һәм өлкәннәргә өйдә үз физик формасында булырга ярдәм итү. Казан халкы да дәресләргә кушыла ала.

Профессиональ спортчылар - «Перспектива» инвалидлар төбәк иҗтимагый оешмасының спорт бүлеге белгечләре - һәр чәршәмбе көнне теләге булган һәркем өчен дәресләр үткәрә. Якындагы ике ай дәвамында тренировкалар чәршәмбе көннәренә планлаштырыла, старт - 12.00 сәгатьтә. Шулай итеп, проектта катнашучыларны пауэрлифтинг буенча спорт мастерыннан, коляскаларда баскетбол буенча «Планета колец» командасының элеккеге уенчысыннан, «Спартак-Мәскәү» футбол клубының элеккеге чирлидерыннан, коляскаларда спорт биюләре буенча биш тапкыр Россия чемпионкасыннан, коляскаларда регби буенча спорт мастерыннан һәм башкалардан дәресләр көтә. Дәресләр җәдвәле сайтта күрсәтелгән, дип хәбәр итә оештыручылар.

Тренировкалар «Дәрескә – бергә» социаль проекты кысаларында уза, ул биш ел дәвамында Россиядә инклюзия үсешен хуплый. Аның төп бурычы - инвалидлыгы булган балаларны изоляцияләү проблемаларына төрле бергәлекләрнең игътибарын җәлеп итү һәм ата-аналарда, балаларда һәм педагогларда инклюзив мәдәният дәрәҗәсен күтәрү.

Хәйрия акциясе илнең 11 төбәгендә: Мәскәү, Санкт-Петербург, Казан, Екатеринбург, Самара, Түбән Новгород, Уфа, Новосибирск, Омск, Ростов-на-Дону һәм Адыгея Республикасында үткәрелә. Казандагы проектның партнеры - Шәһәр мәгариф үзәге.

Шулай ук укыгыз

Барлык яңалыклар