Кабан күле ярын төзекләндерү проектын Golden Trezzini Awards премиясе финалында бәяләячәкләр

Казанлылар ландшафт архитектурасының иң яхшы тормышка ашырылган проекты өчен 1 нче ноябрьгә кадәр тавыш бирә ала.

Фото: Денис Гордийко

(Казан шәһәре KZN.RU, 14 нче октябрь). Кабан күле яры Golden Trezzini Awards халыкара премиясенең «Иң яхшы тормышка ашырылган ландшафт архитектурасы проекты» номинациясендә тәкъдим ителгән. Ул тамашачылар мәхәббәте призын алсын өчен казанлылар проектка тавыш бирә ала. Тавышны 1 нче ноябрьгә кадәр түбәндәге сылтама буенча калдырырга була.

«Алтын Трезини» халыкара архитектура-дизайн премиясе 2018 елдан бирле үткәрелә, ул Петербургның беренче архитекторы, Швейцариянең рус архитекторы Доменико Трезини (1670-1734) хөрмәтенә аталган. Быел 14 илдән 63 проект финалист булды. Премия лауреатларын 15 нче ноябрьдә атаячаклар, дип хәбәр иттеләр Казанның парклар һәм скверлар дирекциясендә.

Исегезгә төшерәбез, 2015 елда Кабан күле яр буйларын үстерү концепциясен эшләү буенча конкурс узды. Turenscape+MAP консорциумы җиңде, аннары «Архитектура десанты» бюросы концепциясе нигезендә проект эшли башлады. Ул Татарстан Республикасы шәһәрләрен үстерү институты карамагындагы программа кысаларында тормышка ашырылды.

Шулай ук укыгыз

Барлык яңалыклар