Кабан күле ярларын төзекләндерү проекты Golden Trezzini Awards халыкара премиясендә «Алтын диплом» белән бүләкләнде

Кабан күле ярларын төзекләндерү проекты Golden Trezzini Awards халыкара премиясендә «Алтын диплом» белән бүләкләнде

<p> </p> <div class="detail-picture"> <img src="https://kzn.ru/upload/iblock/d20/DEN_6644_870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 16 нчы ноябрь). Кабан күле ярларын төзекләндерү проекты Golden Trezzini Awards халыкара премиясендә «Алтын диплом» белән бүләкләнде. Казанның җәмәгать киңлеге «Иң яхшы тормышка ашырылган ландшафт архитектурасы проекты» номинациясендә тәкъдим ителде. <p> </p> <p> Конкурс нәтиҗәләре кичә Санкт-Петербургта билгеле булды. Бөтен дөнья (Һиндстаннан Франциягә кадәр) шәһәрләреннән архитекторларның проектлары номинант булды. «Иң яхшы тормышка ашырылган ландшафт архитектурасы проекты» номинациясендә финалистлар исемлегенә Кытайның Шэньчжэнь һәм Санкт-Петербургтагы җәмәгать киңлекләре проектлары авторлары да керде, дип хәбәр ителә «Татарстан парклары һәм скверы» Telegram-каналында. </p> <p> Golden Trezzini Awards халыкара архитектура-дизайн премиясе 2018 елдан бирле үткәрелә, ул Швейцария нәселеннән булган рус архитекторы, Петербургның беренче архитекторы Доменико Трезини (1670-1734) хөрмәтенә аталган. Быел финалда 14 илдән 63 проект каралды. </p> <p> Исегезгә төшерәбез, 2015 елда Казанда Кабан күле системасын үстерү концепциясен эшләүгә конкурс узды. Turenscape+MAP консорциумы җиңде, аннары аларның концепциясе нигезендә «Архитектура десанты» бюросы проект эшләде. Ул Татарстан Республикасы шәһәрләрен үстерү институты кураторлык итә торган программа кысаларында тормышка ашырылды. </p>

2022-11-16T11:55:38+0300