«Игелекле Казан» III социаль әһәмиятле проектларның шәһәр конкурсына гаризалар кабул ителә

Конкурс ел саен үткәрелә һәм социаль юнәлешле коммерцияле булмаган оешмаларның хәйрия мәдәниятен үстерү өлкәсендәге эшчәнлегенә ярдәм итүгә юнәлдерелгән.

(Казан шәһәре KZN.RU, 29-нчы октябрь). Бүген «Мәскәү» мәдәни-күңел ачу үзәгендә Казанның хәйрия фондлары һәм оешмалары өчен «Игелекле Казан» дигән түгәрәк өстәл узды. Чарада «Игелекле Казан» социаль әһәмиятле проектларга ресурс ярдәме буенча III шәһәр конкурсы башлану турында игълан ителде. Анжела Вавилова исемендәге хәйрия фонды идарәсе рәисе Владимир Вавилов, социаль өлкәдә грантлар буенча эксперт, «Актив яшьләр корпорациясе» коммерцияле булмаган автоном оешмасының PR буенча директоры Егор Рафиков, «Игелекле Казан» коммерцияле булмаган автоном оешмасы директоры Марат Исмәгыйлев очрашу спикерлары булдылар.

Конкурс ел саен үткәрелә һәм социаль юнәлешле коммерцияле булмаган оешмаларның хәйрия мәдәниятен үстерү өлкәсендәге эшчәнлегенә ярдәм итүгә юнәлдерелгән. Конкурс нәтиҗәләре буенча җиңүчеләргә һәм призерларга проектларны тормышка ашыруда ресурслы ярдәм күрсәтелә. Конкурста катнашу өчен гаризалар 17-нче ноябрьгә кадәр сайтта кабул ителә.

Шулай ук укыгыз

Барлык яңалыклар