Канаш – Казан поезды Зөя станциясендә тукталыш ясаячак

Графиктагы үзгәрешләр 28 нче декабрьдән үз көченә керәчәк.

Фото: Казан шәһәре KZN.RU

(Казан шәһәре KZN.RU, 26 нчы декабрь). 28 нче декабрьдән Канаш – Казан поезды маршрутында яңа тукталыш – Зөя станциясе барлыкка киләчәк.
«Содружество» АҖ матбугат хезмәте хәбәр иткәнчә, 6734 нче электричка Канаш станциясеннән 20:46 сәгатьтә китәчәк. Зөя станциясендә состав 21:45 тә тукталыш ясаячак. Казан станциясенә килү 22:28 сәгатьтә көтелә.

Шәһәр яны поездлары расписаниесе турында тулырак мәгълүматны шәһәр яны пассажир компаниясе сайтында, «Шәһәр яны» һәм «РЖД пассажирларга» мобиль кушымталарында, кассаларда һәм тукталыш пунктларындагы мәгълүмат стендларында, шулай ук +7(937)625-04-33 (шалтыратулар тәүлек әйләнәсендә кабул ителә) телефоны буенча белергә була.

Шулай ук укыгыз

Барлык яңалыклар