«Яңа елча бизәлгән Казан» конкурсына гаризалар кабул итү 31 нче гыйнварга кадәр озайтылды

Иң оригиналь бизәлгән объектларны шәһәр халкы һәм жюри әгъзалары сайлап алачак

Фото: Денис Гордийко

(Казан шәһәре KZN.RU, 11 нче гыйнвар). «Яңа елча бизәлгән Казан» конкурсында катнашу өчен гаризалар кабул итү 31 нче гыйнварга кадәр озайтылды. Ярышларга урнаштыру чаралары, гомуми туклану учреждениеләре, мәдәни һәм күңел ачу учреждениеләре, башка оешмалар һәм предприятиеләр, шулай ук ТР башкаласында яшәүчеләр кушыла ала.

Конкурста берничә номинация каралган: «Бинаның яңа елда иң яхшы бизәлеше – шәһәрлеләр сайлавы», «Бинаның яңа елда иң яхшы бизәлеше – эксперт жюри сайлавы», «Бина эченең яңа елда иң яхшы бизәлеше – шәһәрлеләр сайлавы», «Бина эченең яңа елда иң яхшы бизәлеше – эксперт жюри сайлавы» һәм «Кышкы Казанның иң яхшы фотоэше – эксперт жюри сайлавы».

Гаризалар электрон почта аша кабул ителә tourism.kzn@tatar.ru. Хатка бәйрәм бизәлеше белән объектның фотосын кушып, аның исемен һәм урнашу адресын күрсәтергә кирәк.

Җиңүчеләргә дипломнар һәм истәлекле бүләкләр тапшырылачак. Эксперт жюри карары буенча номинацияләрдә беренче урыннарны алган конкурсантларга акчалата призлар бирелә. Конкурсның нечкәлекләре турында сылтама буенча белергә мөмкин, дип хәбәр итә Туризмны үстерү комитеты.

Шулай ук укыгыз

Барлык яңалыклар