Казанда ай саен алимент мәсьәләләре буенча гражданнарны кабул итәчәкләр

Хокукый ярдәм күрсәтү буенча беренче очрашу 4 сентябрьдә берничә адрес буенча үтәчәк.

(Казан шәһәре KZN.RU, 3-нче сентябрь). Ата-аналары алимент түләүдән баш таркан бәлигъ булмаган балалы гаиләләргә хокукый ярдәм күрсәтү өчен гражданнарны кабул итү Казанда даими рәвештә һәм һәр айның беренче сишәмбесендә уздырылачак. Беренче очрашу иртәгә, 4 сентябрьдә уза.

ТР хезмәт, халыкны эш белән тәэмин итү һәм социаль яклау министры Эльмира Зарипова һәм ТР буенча Суд приставлары федераль хезмәте җитәкчесе Әнвәр Закиров казанлылар сорауларына Волгоград ур., 47 адресы буенча җавап бирәчәкләр. Чара 14.00 сәгатьтә башлана.

Моннан кала, кабул итү көне Халыкка социаль ярдәм күрсәтү комплекслы үзәк бүлекләрендә оештырыла. Авиатөзелеш һәм Яңа Савин районнарында яшәүчеләр Х.Ямашев пр., 37, 3 кат, 2-нче кабинет адресы буенча мөрәҗәгать итә алалар, Вахитов һәм Идел буе районнары – Р.Зорге, 39, 17-нче кабинет, Киров һәм Мәскәү районнары – Коләхмәтов ур., 25/1 2-нче кабинет, Совет районы – Г.Кутуй ур., 33, 1-нче кабинет. Кабул итү 14.00-18.00 сәгатьтә узачак, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы министрлыгы матбугат хезмәте.

Шулай ук укыгыз

Барлык яңалыклар