В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
10.01.2023, 17:48
Телефон сатып алганда Казанда яшәүче туташ, мошенниклар белән элемтәгә кереп, 37 мең сум акчасын югалткан
Сату турында белдерүне кыз социаль челтәрдә тапкан.
Фото: Денис Гордийко
(Казан шәһәре KZN.RU, 10 нчы гыйнвар). Казанда яшәүче туташ, телефон сатып алырга теләп, мошенникларның хәйләсенә эләгә һәм 37 мең сум югалта.
Зыян күрүче сүзләренчә, социаль челтәрләрнең берсендә ул кыйммәтле телефон сату турында белдерү күргән. Ул сатучы белән элемтәгә керә, җибәрү шартлары турында сөйләшә һәм кирәкле сумманы күчерә. Телефон аның кулына эләкмәгәч, ТР башкаласында яшәүче 18 яшьлек кыз полициягә мөрәҗәгать иткән, дип хәбәр итә Россия Эчке эшләр министрлыгының Татарстан буенча идарәсе матбугат хезмәте.
Хәзерге вакытта әлеге факт буенча РФ Җинаять кодексының 159 нчы маддәсендәге 2 нче өлешендә каралган «Мошенниклык» җинаять составы билгеләре буенча җинаять эше кузгатылган. Полиция хезмәткәрләре оператив-эзләү чаралары үткәрәләр.
Россия Эчке эшләр министрлыгы мошенниклык очраклары арту сәбәпле, халыктан игътибарлы булуларын сорый. Телефонга шалтыратучы һәм туганнарыгыз турында мәгълүмат бирүче билгесез кешеләргә ышанырга ярамый.
Шулай ук укыгыз
-
28.07.2025, 13:17 -
28.07.2025, 13:14 -
28.07.2025, 13:11 -
28.07.2025, 10:52