Изге шәһит Кирилл Казанский гыйбадәтханәсе каршында бушлай юридик консультацияләр уза

Шәһәрлеләрне пәнҗешәмбе көнне 10:00 дән 13:00 гә кадәр һәм 15:00 дән 17:00 гә кадәр кабул итәчәкләр.

Фото: tatmitropolia.ru

(Казан шәһәре KZN.RU, 4 нче апрель). 6 нчы апрельдә Изге шәһит Кирилл Казанскийның архиерей ишегалдындагы «Апостол» якшәмбе мәктәбендә күчемсез милек мәсьәләләре буенча бушлай юридик консультация узачак.

Белгечләр торак сатып алу-сату, торак мәйданын сатып алганда һәм киңәйткәндә ана капиталын куллану, мирас хокуклары, пособиеләр, ташламалар, салымнар һәм салым тотып калулары турында сөйләячәкләр.

«Соңгы очрашуларда без варислар хокуклары буенча мөрәҗәгатьләрне, күп балалы гаилә өчен ипотека рәсмиләштерүне, бүләк итү килешүенең юридик нәтиҗәләрен, шулай ук мирасны рәсмиләштерү мәсьәләләрен тикшердек», – дип уртаклашты күчемсез милек буенча белгеч, Кирилл гыйбадәтханәсе мәхәлләсе әгъзасы Артем Мессеев.

Консультацияләр пәнҗешәмбе көннәрендә 10:00 сәгатьтән 13:00 сәгатькә кадәр һәм 15:00 сәгатьтән 17:00 сәгатькә кадәр Чистай урамы, 30б (каб. 5) адресы буенча узачак. Шәһәрлеләрне гадәти чират тәртибендә кабул итәчәкләр, дип хәбәр итә Казан епархиясе матбугат хезмәте.

Шулай ук укыгыз

Барлык яңалыклар