В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
05.10.2023, 13:17
Үзбәкстан Президенты Шәүкәт Мирзиёев Казанга беренче тапкыр рәсми визит белән килде
Эш сәфәре кысаларында ул «Россия – Үзбәкстан» төбәкләр форумы нәтиҗәләре белән танышачак
Фото: ТР Рәисе матбугат хезмәте
(Казан шәһәре KZN.RU, 5 нче октябрь). Бүген Казанга эш сәфәре белән Үзбәкстан Республикасы Президенты Шәүкәт Мирзиёев килде.
Г.Тукай исемендәге «Казан» халыкара аэропортында аны РФ вице-премьеры – сәнәгать һәм сәүдә министры Денис Мантуров, ТР Рәисе Рөстәм Миңнеханов һәм башка рәсми затлар каршы алды.
Эш сәфәре Россия Федерациясенә рәсми сәфәр кысаларында уза. Республикада булу барышында Үзбәкстан лидеры «Казан-Экспо» халыкара күргәзмә үзәгендә уза торган Татарстан Республикасының сәнәгать потенциалы күргәзмәсендә булачак, «Россия – Үзбәкстан» регионнары форумы нәтиҗәләре белән танышачак, шулай ук Казанның Б.Рәмиев исемендәге югары технологияләр технопаркында һәм башка объектларда булачак.
Элегрәк KZN.RU Татарстан Республикасы башкаласында Россия һәм Үзбәкстан арасында III Регионара хезмәттәшлек форумы башлануы турында хәбәр итте. Шулай ук кичә Казан Мэры Ташкент хокимы белән очрашты.
Шулай ук укыгыз
-
27.07.2025, 09:09 -
26.07.2025, 09:36 -
25.07.2025, 17:36 -
25.07.2025, 16:54