Татарстан Президенты Казанда яңартылган Заманча сәнгать галереясендә булды

Татарстан Президенты Казанда яңартылган Заманча сәнгать галереясендә булды

<p> (Казан шәһәре KZN.RU, 7-нче декабрь). Бүген Татарстан Республикасы Президенты Рөстәм Миңнеханов Казанда Заманча сәнгать галереясендә булды. Карл Маркс һәм Мөштәри урамнары киселешендәге өч катлы бина зур реконструкциядән соң ачылды.<br> </p> <p> Чарада шулай ук Казан Мэры Илсур Метшин, Татарстан Республикасы мәдәният министры Ирада Әюпова, Татарстан Республикасы Президенты ярдәмчесе Олеся Балтусова һәм башкалар катнашты. </p> <p> Исегезгә төшерәбез, элек бинада ТР Рәссамнар берлегенең күргәзмә залы урнашкан иде. Хәзерге вакытта ул Татарстан Республикасы Дәүләт сынлы сәнгать музееның Заманча сәнгать галереясе. </p> <p> Ремонт эшләренең заказчысы - ТР Главинвестстрой, генераль подрядчы – "Реставратор" ҖЧҖ компаниясе. Проект-смета документлары "Татинвестгражданпроект" институты тарафыннан эшләнгән. Ремонт эшләре 2017 елда башланды. Төзелеш башланганнан бирле ремонт өчен 343 млн сум акча тотылган. </p> <p> Бинада түбәне, фасадны ремонтлау, йөк лифтын монтажлау, керү төркемнәрен урнаштыру, отделка эшләре башкарылды, тәрәзәләр алыштырылды, махсуслаштырылган җайланмалар һәм җиһазлар сатып алынды; электроэлемтә, төзекләндерү эшләре башкарылды. </p> <p> Хәзерге вакытта галерея киңлеге ике яктылыклы зал белән уникаль күргәзмә мөмкинлекләрен, шул исәптән зур форматлы әсәрләрне төшерү мөмкинлеген дә тәкъдим итә. Галерея шулай ук мультимедиа күргәзмәләрен дә кабул итә алачак. </p> <p> Килүчеләргә өч кат, алты күргәзмә урыны, лекторий, балалар арт-мәйданчыгы, мультимедиа – барлыгы мең ярым квадрат метрдан артык мәйдан тәкъдим ителә, дип хәбәр итә ТР Президенты матбугат хезмәте. </p> <p> "Без бу объектның реконструкцияләүгә кадәр нинди булуын хәтерлибез, - диде бүген Татарстан Президенты Рөстәм Миңнеханов. - Хәзер бу - мөһим бурычларны үти алырлык заманча объект. Мин бинаны реставрацияләүчеләргә генә түгел, бу яңа һәм кызыклы юнәлешләр өстендә эшләүчеләргә дә рәхмәт әйтәсем килә, алар республика халкын һәм шәһәр кунакларын Заманча сәнгать галереясына җәлеп итәчәк. Ышанам ки, без бу галерея белән горурланачакбыз". </p> <p> Рөстәм Миңнеханов фикеренчә, бүген яңартылган заманча сәнгать галереясенең мөмкинлекләре бик күп. "Монда иҗат итәргә дә иҗат итәргә! – диде Рөстәм Миңнеханов. - Хәерле юлга!" </p> <p> Рөстәм Миңнеханов "Татарстан Республикасы Дәүләт сынлы сәнгать музее" дәүләт бюджет мәдәният учреждениесе коллективына Татарстан Республикасының мәдәни һәм сәнгать мирасын саклауга зур өлеш керткәннәре өчен Татарстан Республикасы Президенты Рәхмәтен тапшырды. </p> <p> Белешмә </p> <p> Казан шәһәренең Карл Маркс ур., 57 адресы буенча урнашкан бина 1979 елда ТАССР Рәссамнар берлегенең күргәзмә залы буларак необрутализм эстетикасында төзелә. Бу проект өчен архитектор Г.А.Бакулин 1981 елда Габдулла Тукай ис. ТР Дәүләт премиясе лауреаты исемен ала. Керү янында урнашкан скульптура авторы - Р.П.Харитонов. Күргәзмә залы 1980 елда "Большая Волга" зур зональ күргәзмәсе белән ачыла. </p> <p> 2009 елда бина Татарстан Республикасы Дәүләт сынлы сәнгать музеена тапшырылды, 2017-2018 елларда – модернизацияләнде. </p>

2018-12-07T11:39:06+0300