Алдагы төндә синоптиклар казанлыларга яшен һәм боз фаразлый

20-нче июль көнне көндез 10:00 сәгатьтән 20:00 сәгатькә кадәр көчле җил һәм яңгыр көтелә.

Фото: Казан шәһәре KZN.RU

(Казан шәһәре KZN.RU, 19-нчы июль). Синоптиклар Татарстан халкын, аерым алганда, Казанда яшәүчеләрне һава шартларының начараюы турында кисәтә. Бүген төнлә һәм 20-нче июль көнне көндез урыны белән яшен, боз явуы көтелә. Кыска вакытлы җилнең тизлеге 15-20 м/с, көндез 20-нче июль көнне 10:00 сәгатьтән 20:00 сәгатькә кадәр 24 м/с ка хәтле тизлектә җил һәм яңгыр көтелә.

Шул ук вакытта төнлә белән һаваның минималь температурасы +16-21 градус, көндез максималь температура +29-34 градус тәшкил итәчәк. Казанда төнлә +19-21 градус, көндез +30-32 градус көтелә. Һава торышы эссе һава массасы һәм актив атмосфера фронтлары йогынтысында формалашачак, дип билгеләп үтелә.

Алга таба, 21-нче һәм 22-нче июль көннәрендә, Татарстан территориясендә кыска вакытлы яңгырлы һәм яшенле бик җылы һава торышы сакланачак. Кайбер районнарда боз явуы, көчле җил булуы ихтимал. Төнлә һава температурасы +15-21 градус тәшкил итәчәк, көндез +24-31 градуска кадәр төшәчәк.

Беренчел фаразлар буенча, 23-нче һәм 24-нче июльдә, фронталь системаның көнчыгышка таба һәм һава агымнарының төньяк-көнбатыш һәм төньякка алмашынуына бәйле эсселек кимиячәк. 23-нче июль көнне көндез һава температурасы +21-26 градуска, 24-нче июльдә +19-24 градуска кадәр төшәчәк.

Моннан тыш, Татарстан территориясендә 21-нче июльгә кадәр урыны белән югары янгын куркынычы (4 класслы), көнчыгышта – урманнарның гадәттән тыш янгын куркынычы (5 класслы) сакланачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар