Ташкент делегациясе вәкилләре Казанның ТКХ өлкәсендәге тәҗрибәсен өйрәнде

Татарстан башкаласында Казан Башкарма комитеты вәкилләре белән Үзбәк капитолиясе хокимияты делегациясе белән очраштылар.

(Казан шәһәре KZN.RU, 15-нче ноябрь, Алена Мирошниченко). Ташкент (Үзбәкстан) хокимияты делегациясе белән очрашу бүген Татарстан башкаласында үтте. Кунакларга Казанның ТКХ өлкәсендәге тәҗрибәсе хакында сөйләделәр. Очрашуның модераторы Башкарма комитет җитәкчесе урынбасары Искәндәр Гыйниятуллин булды.

“Тугандаш илебездән беренче тапкыр гына делегация кабул итмибез. Һәрвакыт сезне күрергә шатбыз. Очрашу сезнең өчен файдалы булыр, дип өметләнәм”, - дип сәламләде хезмәттәшләрен И.Гыйниятуллин.

Ташкент делегациясе рәисе, Ташкент хокименең беренче урынбасары Даврон Хидоятов та очрашуның файдалы һәм нәтиҗәле булуында ышаныч белдерде. “Очрашу өчен рәхмәт сезгә! Узган елда без сезнең белән очрашкан идек инде, шунда сезнең тәҗрибәгез кызыксындырды. Бу юлы без инде белгечләр белән килдек”, - диде Даврон Хидоятов.

ТКХ өлкәсендә цифрлашу бүгенге көн реалиясе булды. Җәмгыять ачыклыкны, электрон хезмәтләрне таләп итә. Искәндәр Гыйниятуллин “Ачык Казан” системасы турында җентекләп сөйләде. Әлеге проект делегатларда зур кызыксыну уятты. Моннан кала, аларга “Куркынычсыз шәһәр”, “Чиста шәһәр” программалары турында сөйләделәр.

Делегатлар билгеләп үткәнчә, алар өчен “Ачык Казан” системасын эшләүчеләр белән сөйләшү яхшы булыр иде. Делегация Казанда тагын ике көн торачак.

Үзбәкстан вәкилләре белән очрашуда шулай ук мәгълүмат технологияләре һәм элемтә идарәсе җитәкчесе Рифат Ханнанов, “Техник надзор хезмәте” МУП җитәкчесе Асия Гудзь һ.б. катнашты.

Искәртергә кирәк, хәзерге вакытта Казанның Үзбәкстан Республикасы белән хезмәттәшлеге 1998 елда Татарстан башкаласы һәм Ташкент арасында имзаланган Дуслык һәм партнерлык мөнәсәбәтләре турындагы килешү кысаларында гамәлгә ашырыла.

Фоторепортаж

Шулай ук укыгыз

Барлык яңалыклар