Казанның «Крылья Советов» паркында «Имин җәй» бәйрәме узачак

Яшь шәһәрлеләр «Обгоняй-ка» спорт фестивалендә, «Лиза Алерт» үзиреклеләр отрядыннан интерактив мастер-классларда катнаша алачак.

(Казан шәһәре KZN.RU, 22-нче май). 2-нче июньдә Казанның «Крылья Советов» паркында «Имин җәй»дигән гомумшәһәр бәйрәме узачак. Чара Балаларны яклау көненә һәм Бөтендөнья велосипедлар көненә багышлана. Чарада балалар юл хәрәкәте кагыйдәләрен, суда һәм урманда үз-үзеңне тоту кагыйдәләрен беләчәкләр, шулай ук спорт ориентлашуы белән танышачаклар.

Бәйрәмдә «Велодобро» проекты кысаларында меңенче велосипед тапшырачаклар, юл хәрәкәте кагыйдәләре һәм велосипедларны ремонтлау буенча интерактив мастер-класслар уздырачаклар һәм эшкә йомгак ясаячаклар.

Моннан тыш, яшь шәһәрлеләр «Обгоняй-ка» спорт фестивалендә, «Лиза Алерт» үзиреклеләр отрядыннан интерактив мастер-классларда катнашачак, анда балаларны гадәттән тыш хәлләрдә үзеңне дөрес итеп тотарга өйрәтәчәкләр. Шулай ук йөгерешчеләр клубыннан күрсәтмә чыгышлар планлаштырылган. Теләге булган кешеләр үзләренең иске, ватык һәм файдаланмый торган велосипедларын тапшыра алачак.

Шәһәр халкы «Панда» уенында һәм спорт ориентлашуында табигый мохиттә үз-үзеңне тоту кагыйдәләрен ныгыта һәм җирлекне анализлау күнекмәләрен үзләштерә алачак – балаларны компастан файдаланырга һәм азимут буенча юнәлешне билгеләргә өйрәтәчәкләр. Бәйрәм кунаклары өстәл уеннарында да уйный алачак, паркта шулай ук фотозон оештырылачак.

Чарага керү ирекле, 10.00 сәгатьтә башлана, дип хәбәр итәләр «Велодобро» проектының PR-бүлегендә.

Шулай ук укыгыз

Барлык яңалыклар