Бәйрәм көннәре Казанда тәртип һәм җәмәгать иминлеген тупас бозуларсыз узды

Бәйрәм көннәре Казанда тәртип һәм җәмәгать иминлеген тупас бозуларсыз узды

<p> (Казан шәһәре KZN.RU, 14-нче гыйнвар, Ксения Швецова). Яңа ел бәйрәмнәрен үткәргәндә тәртип һәм җәмәгать иминлеген саклауга юнәлдерелгән оператив-профилактик чараларның тулы комплексы казанлыларга яңа елны хәвеф-хәтәрсез бәйрәм итәргә мөмкинлек бирде. Кабул ителгән чаралар нәтиҗәсендә яңа ел чаралары уздырыла торган урыннарда бер генә җинаять тә булмаган.<br> </p> <p> Бүген эшлекле дүшәмбе киңәшмәсендә Россия Эчке эшләр министрлыгының Казан шәһәре буенча идарәсе башлыгы Алексей Соколов хәбәр иткәнчә, үзәк чыршылар ачылган вакыттан җәмәгать тәртибен саклау буенча тәүлек буе хезмәт алып барылды, саклауга муниципаль хезмәткәрләр җәлеп ителде. Яңа ел төнендә тәртип саклау хезмәтен Россия Федерациясе Милли гвардиясе идарәсе һәм хәрби хезмәткәрләре алып барды, ә ЮХИДИ хезмәткәрләре бәйрәм чаралары уздырыла торган урыннарда юл хәрәкәте иминлеген һәм транспортны парковкалауны тәэмин итте. Транспорт белән исерек хәлдә идарә иткән өчен 29 машина йөртүче тоткарланган. </p> <p> Шәһәрнең православие храмнарында Раштуа бәйрәменә багышланган гыйбадәтләр узды, анда 8 меңгә якын кеше катнашты. Шәһәр полициясенең 200-дән артык хезмәткәре җәмәгать тәртибен саклауны тәэмин итте, бернинди хокук бозу очраклары да булмады. </p> <p> 30 декабрьдән 8 гыйнварга кадәр җәмәгать урыннарында өлкәннәрдән башка гына булган 37 яшүсмер ачыкланган, аларның әти-әниләрен административ җаваплылыкка тартканнар. </p> <p> "Пиротехника" һәм "Чыршы" оператив-профилактик чаралары барышында 547 берәмлек шартлатылмаган пиротехника эшләнмәләре һәм 459 законсыз киселгән агач тартып алынды, сәүдә кагыйдәләрен бозган өчен җаваплылыкка 141 кеше җәлеп ителде. </p> <p> Гомумән алганда, яңа ел каникуллары вакытында 320 җинаять теркәлгән, шул исәптән сәламәтлеккә аңлы рәвештә авыр зыян китерү буенча - 7 очрак. Административ законнарны бозган өчен 600 административ беркетмә төзелде, ә тынлыкны бозган өчен 39 кеше административ җаваплылыкка тартылды. Моннан тыш, наркотик чараларның законсыз әйләнеше өлкәсендә 44 һәм алкогольле продукция әйләнеше өлкәсендә 33 хокук бозу очрагы ачыкланган. Юлларда 742 юл-транспорт һәлакәте теркәлгән, шул исәптән 34 юл-транспорт һәлакатендә зыян күрүчеләр булган, һәлак булучылар юк. </p> <p> Фото һәм видеофиксация өчен махсус техник чаралар кулланып, 10 меңнән артык хокук бозу ачыкланган. Юл хәрәкәте кагыйдәләрен бозган өчен 6750 административ беркетмә төзелгән, шуларның 6129-ы – автомобильчеләргә, исерек килеш машина йөрткән өчен 110 машина йөртүче тоткарланган, дип хәбәр итте А.Соколов. </p> <p> "Бәйрәм көннәре тәртип һәм җәмәгать иминлеген тупас бозуларсыз узды, криминоген хәлләрне контрольдә тоту саклана, шәһәр полициясе штат режимында эшли", - дип нәтиҗә ясады Эчке эшләр министрлыгының Казан буенча идарәсе башлыгы. </p> <p> Башкарма комитет җитәкчесе Денис Калинкин полициянең шәхси составына, эчке эшләр идарәсенә башкарган эшләре өчен рәхмәт белдерде. "Куркынычсызлык - зур туристлык агымын кабул итүче шәһәр өчен төп шартларның берсе. Хезмәтегез өчен рәхмәт сезгә", - диде Д.Калинкин. </p>

2019-01-14T11:13:33+0300