Өлкән яшьтәге казанлыларны электрон сервислардан файдаланырга өйрәтәчәкләр

Атна дәвамында акция күпфункцияле үзәкләрнең барлык офисларында да узачак.

Фото: Денис Гордийко

(Казан шәһәре KZN.RU, 23-нче сентябрь). 28-нче сентябрьдә Татарстан Республикасының «Минем документлар» офисларында акция башлана, аның кысаларында күпфункцияле үзәк белгечләре өлкән кешеләрне электрон сервислардан файдаланырга өйрәтәчәкләр.

Күпфункцияле үзәкләр хезмәткәрләре казанлыларга ТР һәм РФ дәүләт хезмәтләре порталларында, Россия Пенсия фондында шәхси кабинет булдыру, чит ил паспорты алу, машина йөртү таныклыгы алу, хезмәт стажы һәм хезмәт хакы турында архив белешмәсенә заказ бирү, торак-коммуналь хуҗалыгы өчен түләү, табибка язылу, пенсионерларга каралган ташламалар турында сөйләячәк.

Күпфункцияле үзәк белгечләре ярдәменнән файдаланыр өчен алдан язылырга яки талон алырга кирәкми, консультантка нинди максат белән килүне әйтү дә җитә.

Укулар «Минем документлар» офислары кабул итү залларында урнаштырылган кунак компьютерларында үткәреләчәк. Филиалларның эш тәртибенә буенча теләсә кайсы уңайлы вакытта мөрәҗәгать итәргә мөмкин, дип хәбәр итә ТР саннар министрлыгының матбугат хезмәте.

Шулай ук укыгыз

Барлык яңалыклар