Казан мэриясенең иң яхшы 10 остазының портретларын шәһәрнең медиафасадларында урнаштырдылар

Сурәтләр 27 февральдән 5 мартка кадәр өч цифрлы баннерда эленеп торачак

Фото: Кадрлар сәясәте идарәсе

Быел, 2 мартта, Россиядә беренче тапкыр остазлар көнен билгеләп үтәчәкләр. Бәйрәм датасы уңаеннан шәһәрнең биш медиафасадында Казан командасының иң яхшы 10 остазының фотосурәтләрен урнаштырдылар.

Казан мэриясе остазларының бергәлеге күп еллар дәвамында яңа хезмәткәрләргә эшкә җайлашырга һәм команданың бер өлеше булырга ярдәм итә. Остазлар яңа килүчеләрне озата баралар, тәҗрибәләре һәм белемнәре белән уртаклашалар, профессиональ максатларга ирешүдә ярдәм итәләр, алга этәрәләр һәм башка чараларда булышалар. Казан мэриясенең барлыгы 93 хезмәткәре үз вазыйфаларын түләүсез нигездә остаз вазыйфалары белән бергә алып бара.

Шәһәр медиафасадларында төрле өлкәләрдән 5 юнәлеш буенча иң яхшы 10 остазның фотосурәтләрен урнаштырдылар: хезмәттә остаз, җитештерүдә остаз, шәһәр хуҗалыгы өлкәсендә остаз, мәгариф өлкәсендә остаз һәм социаль өлкәдә остаз. Алар арасында - «Горводзеленхоз» тресты МУП Яшел төзелеш эшчесе Марсель Гаязов, «Шәһәрне төзекләндерү» МУП икенче категорияле КДМ машинисты Михаил Панин, Совет районы администрациясенең оештыру һәм кадрлар эше бүлеге баш белгече Лариса Вьюрова һәм башкалар.

Мәсәлән, остазларның берсе Рәфис Салихҗанов 36 нчы гимназиядә дүрт ел инде ашханә мөдире булып эшли. Пешекче эшендә ул 20 елдан артык тәҗрибә туплаган. Хәзерге вазыйфасында Рафис Салихҗанов үз хезмәткәрләрен генә түгел, көллият студентларын да укыта. «Мин остазлыкның асылын студентларның һәм яшь белгечләрнең ялтыраган күзләрендә күрәм, аларга үз эшләре ошый», – дип билгеләде ул.

Остаз шулай ук аш-су өлкәсендә укыту барышы туктатылмый – даими рәвештә яңа ризыклар һәм аларны әзерләү кагыйдәләре барлыкка килә, дип өстәде. Шуңа күрә ул яңа һәм тәҗрибәле хезмәткәрләрне өйрәтә – һәрберсе белән хаталарны шәхсән тикшерә.

«Мин мөдир буларак кәгазьләр белән генә эшләмим, үзем дә ашарга әзерлим – миңа бу ошый. Бу тәҗрибәне үзләштерергә теләүчеләр булуы, аның бушка китмәве бик күңелле. Кешеләрне ашату – зур җаваплылык, бигрәк тә балаларны ашату. Ә аларның рәхмәт сүзе – иң яхшы бүләк», – дип ассызыклады Рафис Салихҗанов.

«Крылья» инклюзив мультиформат үзәге җитәкчесе Альбина Нәфигова катлаулы ысул белән шөгыльләнә. Аның эшенең бер өлеше акыл тайпылышлы яшьләрне һөнәри берләштерүгә юнәлдерелгән: джоб-тьютор сыйфатында ул үз карамагындагыларны эшкә урнашу һәм яраклашуда озата бара.

«Күп кенә инвалид балалар иҗтимагый хорафатлар аркасында өйдә утыра. Ә джоб-тьюторның бурычы баланы өлкәннәр хезмәт коллективына кертү. Глобаль мәгънәдәдә әйткәндә – без инвалидлар бергәлеген мәҗбүри рәвештә башкалар кулына калудан коткарабыз. Һәм алар үзләренең файдалы һәм кирәкле икәнлекләрен тоялар», – дип уртаклашты Альбина Нәфыйгова.

Үзәк җитәкчесенең игътибар үзәгендә шулай ук хезмәттәшләрен укыту. Шул максаттан даими рәвештә җыелышлар, фикер алышулар үткәрелә, аларда хезмәткәрләр һөнәри тәҗрибәләре белән уртаклашалар. «Син үз тәҗрибәң белән бүлешкәндә дә ниндидер яңа әйбер өйрәнәсең. Мондый җыелышларда үз ысулларыңны һөнәри максатчан аудиториядә тикшереп, сынап карап була», – дип йомгаклады Альбина Нәфигова.

Остазларның фотолары 5 мартка кадәр Декабристлар урамындагы 2 йорт, Ибраһимов проспектындагы 58 бина, Җиңү проспектындагы 159 йорт һәм Җиңү проспектындагы 230 бина адреслары буенча медиафасадларда эленеп торачак.

«Остазлык» проектын гамәлгә ашыру «Кадрлар» милли проекты максатларына туры килә.

Шулай ук укыгыз

Барлык яңалыклар