Марк, Кәрим, Радмир, Миа Казанда яңа туган сабыйларга кушылган иң популяр исемнәр булган

Узган атнада шәһәрдә 187 малай һәм 169 кыз туган.

Фото: Денис Гордийко

(Казан шәһәре KZN.RU, 22 нче ноябрь). Казанда бер атна эчендә, 14 нче ноябрьдән 20 нче ноябрьгә кадәр, 187 малай һәм 169 кызның тууы теркәлгән. Туганда иң зур авырлыктагы бала – 5000 грамм, иң кечкенәсе 600 грамм булган.

Шәһәрнең Гражданлык хәле актларын теркәү идарәсе хәбәр иткәнчә, яңа туган сабыйларга кушылган исемнәр арасында Марк, Кәрим, Радмир, Әмир, Амелия, Ева, Мия, Эмилия иң популярлары булган. Әти-әниләр шулай ук Евсей, Антип, Мир, Евдоким, Әнис, Даниэла, Лея, Һадия, Марьяна кебек сирәк исемнәрне сайлаганнар.

Узган атнада Татарстан башкаласында 181 пар никахларын теркәгән.

Шулай ук укыгыз

Барлык яңалыклар