Казан поликлиникалары 84 Lada Largus автомобиле алды

Яңа машиналар беренчел медицина-санитария ярдәме күрсәтүнең оперативлыгын арттырырга мөмкинлек бирәчәк.

Фото: ТР Сәламәтлек саклау министрлыгының Казан буенча идарәсе матбугат хезмәте

(Казан шәһәре KZN.RU, 26 нчы гыйнвар). Бүген Казан поликлиникаларына шәһәр халкына беренчел медицина-санитария ярдәме күрсәтү өчен 84 Lada Largus автомобиле тапшырылды. Барлык машиналар да газ балоннары белән җиһазландырылган, дип хәбәр итә ТР Сәламәтлек саклау министрлыгының Казан буенча идарәсе матбугат хезмәте. Автомобиль ачкычларын Универсиада авылы территориясендә узган тантанада ТР Президенты Рөстәм Миңнеханов тапшырды.

Узган елның декабрендә балалар поликлиникаларына бушлай сөт продуктларын китерү өчен Казан хастаханәләре һәм поликлиникалары 37 Lada Largus автомобиле һәм 2 «Газель Некст» автомобиле алган иде.

Исегезгә төшерәбез, 2021 елның октябрь ахырында Казан Мэры Илсур Метшин инициативасы белән табибларга 35 хезмәт автомобиле бүлеп бирелде. Карар киеренке эпидемиологик вәзгыять һәм ашыгыч ярдәмгә күп санлы чакыру булуына бәйле рәвештә кабул ителде. Бирелгән машиналар пациентларга өйләренә барып ярдәм күрсәтүне арттырырга мөмкинлек бирде. Бер медицина учреждениесенә 1-2 автомобиль туры килде.

2020 елның мартында шәһәр Башкарма комитетының 15 автомобилен вакытлыча шәһәр поликлиникаларына тапшыру карары кабул ителде. Бер атна эчендә генә дә бу
машиналар ярдәмендә 2 мең чакыру буенча авырулар янына барылды.

Шулай ук укыгыз

Барлык яңалыклар