Казанда синоптиклар аязганда -13 градуска кадәр салкыннар фаразлый

Атна ахырына республикада бераз кар көтелә

Иртәгә Татарстанның күпчелек территориясендә синоптиклар томан вәгъдә итә. Чәршәмбе көнне хәл ТРның аерым районнарында сакланачак. Төнлә һәм иртән термометр баганаларын -8 дән -14 градуска кадәр, аязганда -18 градуска кадәр күрсәтәчәкләр. Көндез -3..-8 градуска җылына.

Казанда алдагы тәүлектә синоптиклар явым-төшемсез аязучан болытлы һава торышын фаразлыйлар, урыны белән томан булырга мөмкин. Җил төньяк-көнбатыштан, төньяктан 2-7 м/с. Төнлә һәм иртән -8 градус, аязганда -13 градус булачак. Көндез һава -5..-7 градуска кадәр җылыначак. Юлларда бозлавык көтелә.

Төнлә, 13 февральдә, Татарстанда явым-төшем көтелми, әмма көндез республикага атмосфера фронты якынлаша – урыны белән бераз кар явачак. Төнлә һәм иртән -6..-11 градуска кадәр суыта, аязганда -14 градуска кадәр. Көндез температура -2..-7 градуска кадәр күтәреләчәк.

Татарстан Республикасы Гидрометүзәге алдан фаразлаганча, 14 февральдә республикада бераз кар явачак, термометр баганалары -6..-11 градус күрсәтәчәк, аязганда -16 градуска кадәр, көндез -3..-8 градус көтелә. Шимбә көнне, 15 февральдә уртача салкын, кар явачак.

Шулай ук укыгыз

Барлык яңалыклар