Яшүсмерләрне бизнес алып барырга өйрәтәчәкләр һәм нәтиҗәле чыгышлар күнекмәләре турында сөйләячәкләр

ТР башкаласында апрель башында бушлай дәресләр башланачак

Апрель башында Казанның яшүсмерләр клубларында бушлай чаралар узачак. Балаларны иҗади дәресләр, спорт активлыгы һәм хәтта бизнес алып бару буенча мастер-класс көтә.

2 апрель көнне 17:00 сәгатьтә сәламәтлек мөмкинлекләре чикләнгән балаларны әти-әниләре белән бергә «Старт» клубына (Побежимов урамындагы 53 йорт) чакыралар. Педагоглар җитәкчелегендә алар кәгазь һәм картоннан күләмле композицияләр ясаячак.

3 апрельдә, 14:00 сәгатьтә, «Юни» клубында (Горький шоссесы урамындагы 43/1 бина) яшүсмерләрне сәйлән бөртекләреннән язгы йөзек ясау буенча мастер-класста көтәләр.

Шул ук көнне 18:00 сәгатьтә «Кояш Нуры» клубында (Зәкиев урамындагы 25а номерлы бина) балалар фетрдан битлекләр ясый алачак.

4 апрель көнне 18:00 сәгатьтә «Лада» клубында (Гаврилов урамындагы 22 йорт) көлке кичәсе оештыралар.

Җомга көнне, 19:00 дә, «Романтик» клубында (Химиклар урамындагы 35 йорт) физик күнекмәләр буенча дәрес уздырачаклар. Катнашырга теләүчеләргә 590-53-55 телефоны буенча язылырга кирәк.

5 апрель көнне 14:00 сәгатьтә «Яшьлек» клубында (Годовиков урамындагы 16 бина) өстәл теннисы буенча турнир башланачак. Язылу өчен телефон: +7 (917)253-50-28.

10 апрель көнне 16:00 сәгатьтә «Яратам» клубында (Короленко урамындагы 11а йорт) яшүсмерләр өчен бизнес алып бару буенча мастер-класс узачак. Аларны финанс өлгесен төзергә өйрәтәчәкләр һәм нәтиҗәле чыгышлар күнекмәләре турында сөйләячәкләр. Алдан теркәлү кирәк, дип хәбәр иттеләр «Яшүсмер» МБУда.

Шулай ук укыгыз

Барлык яңалыклар