Ноябрь башыннан 6 меңгә якын казанлы җәмәгать транспортында битлексез йөрергә маташкан

Ревизорлар 3,8 мең автобус, трамвай, троллейбус һәм метро поездларын тикшерде.

Фото: Денис Гордийко

(Казан шәһәре KZN.RU 16-нчы ноябрь). 1-нче ноябрьдән 15-нче ноябрьгә кадәр Казан җәмәгать транспортында битлексез 5844 пассажир ачыкланган.

Тикшерүләр 95 контроль ноктада узган, ревизорлар 3882 җәмәгать транспорты берәмлеген (автобуслар, трамвайлар, троллейбуслар һәм метро поездларын) караган. Кисәтүләрдән соң пассажирларның күбесе битлек кигән, әмма шәхси саклану чаралары булмаган 140 кеше салоннан төшеп калган.

Профилактик рейдларны Транспорт комитеты, «Пассажирлар ташуны оештыручы» муниципаль казна учреждениесе һәм транспорт предприятиеләренең контроль-ревизорлык хезмәтләре хезмәткәрләре уздыра, дип хәбәр ителә Казанның транспорт сайтында.

Шулай ук укыгыз

Барлык яңалыклар