Татарстанда сәламәтлеге ягыннан мөмкинлекләре чикле балаларның ата-аналарына 13 меңгә якын өстәмә ял көне өчен акча түләнгән

Әлеге максатларга 66,4 млн сумнан артык акча юнәлтелгән

Фото: Денис Гордийко

Россия Социаль фондының Татарстан буенча бүлекчәсе агымдагы елның өч аенда инвалид балаларның ата-аналарына өстәмә 12 970 ял көне өчен акча түләгән. Бу максатларны тәэмин итүгә 66,4 млн сумнан артык акча тотылган.

Тема буенча материаллар:

Татарстанда 7,5 мең әни кеше бала табу сертификатларыннан файдаланган

«Узган елның сентябреннән әлеге ял көннәрен уңайлырак форматта кулланырга була. Ата-аналарның, файдаланылмаган ял көннәрен җыеп, бер тапкыр бирелә торган 24 көнгә кадәр отпуск алу, аны баланы карауга һәм тәрбияләүгә багышлау мөмкинлеге бар», – диде Россия Социаль фондының Татарстан бүлекчәсе идарәчесе Эдуард Вафин.

Дүрт ял көне, сәламәтлеге ягыннан мөмкинлекләре чикле балаларны карау һәм тәрбияләү өчен, аларның ата-аналарына (законлы вәкилләренә) бирелә. Әлеге ялларны тоташтан яки ай дәвамында төрле көннәргә бүлеп алырга мөмкин.

Ведомствоның матбугат хезмәтендә хәбәр итүләренчә, мондый яллар бирүне сорап язган гариза эш бирүчегә тапшырыла. Өстәмә мәгълүматны Россия социаль фондының бердәм контакт-үзәге телефоны буенча алырга мөмкин: 7(800)100-00-01 (шалтырату бушлай).

Шулай ук укыгыз

Барлык яңалыклар