Почтальоннар ветераннарга Россия Президентының Җиңүнең 75 еллыгы белән котлауларын җиткерәчәк

Татарстанда 30 мең 475 адресат котлау открыткасы алачак.

(Казан шәһәре KZN.RU, 30-нчы апрель). 6-нчы майдан 9-нчы майга кадәр Россия почтасы хезмәткәрләре ветераннарга Россия Президенты Владимир Путинның Бөек Ватан сугышында Җиңүнең 75 еллыгы белән котлауларын җиткерәчәк. Татарстанда 30 мең 475 адресат котлау открыткасы алачак.

Котлау открыткасының алгы ягында - Бөек Ватан сугышы фотохроникасы кадрлары, ә икенче ягында Н.Ситниковның «Бөек Ватан сугышында Җиңү хөрмәтенә Кызыл мәйданда салют» фотографиясе фрагменты урнаштырылган.

Барлык ветераннарга да котлау тапшыру планлаштырыла. Бөтен ил буенча почтальоннар 1 млн нан артык открытка таратачаклар.

Санитар-эпидемиологик иминлекне тәэмин итү уңаеннан профилактик чаралар күреләчәк. Әйтик, хатларны герметик савытларда ташыйлар, сортларга аеру үзәкләреннән тыш, алар кешеләр белән элемтәне булдырмый. Барлык хезмәткәрләр дә индивидуаль саклау чаралары белән тәэмин ителгән, аларда даими рәвештә тән температурасын үлчиләр. Почтальоннар, клиент белән дистанцияне 1,5 метрдан артык калдырып, физик элемтәсез котлаулар тапшырачак. Һәрбер визит алдыннан почтальоннар кулларын антисептиклар белән эшкәртәчәк.

Әгәр почтальон килгән вакытта ветеран өйдә туры килмәсә, хат якындагы бүлектә тагын бер ай сакланачак. Хат алучы күченгән очракта котлау хаты яңа адрес буенча күчереләчәк, дип хәбәр итә «Татарстан почтасы» федераль почта элемтәсе идарәсе матбугат хезмәте.

Шулай ук укыгыз

Барлык яңалыклар