Якшәмбе көннәрендә Изге Сергий Радонежский гыйбадәтханәсендә мохтаҗларга кайнар ризык биреләчәк

Бушлай кайнар ризыкны 10:30 дан алырга мөмкин.

Фото: tatmitropolia.ru

(Казан шәһәре KZN.RU, 21 октябрь). Казанда мохтаҗлар бушлай кайнар ризык ала ала. Комплекслы төшке ашлар Изге Сергий Радонежский гыйбадәтханәсендә атна саен якшәмбе литургияләре тәмамлангач биреләчәк.

Ярдәмне 23 нче октябрьдә, якшәмбе көнне, 10:30 сәгатьтә Краснококшайск ур., 101 адресы буенча алырга мөмкин. Кайнар ризык вагонда бирелә, ул гыйбадәтханә территориясендә урнашкан.

Авыр тормыш хәлендә калган шәһәрлеләр шулай ук гуманитар складта кием һәм беренчел кирәк-яраклар ала ала. Складка теләсә кайсы көнне 10:00 сәгатьтән 17:00 сәгатькә кадәр килергә була, дип хәбәр итә Казан епархиясе матбугат хезмәте.

Шулай ук укыгыз

Барлык яңалыклар