Иске Татар бистәсе буенча татар телендә җәяүле экскурсия уздырачаклар

Иске Татар бистәсе буенча татар телендә җәяүле экскурсия уздырачаклар

<p> </p> <div class="detail-picture"> <img src="https://kzn.ru/upload/iblock/eaa/DSC_1245-870.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 18 нче гыйнвар). 19 нчы гыйнварда Иске Татар бистәсе буйлап татар телендә «Мәрҗани тормышының бер елы» дигән җәяүле экскурсия узачак. Габдулла Тукай әдәби музее аны галим-мәгърифәтченең тууына 205 ел тулуга әзерләде. </p> <p> Экскурсантларга Иске Татар бистәсендәге галим-мәгърифәтченең тормышы һәм эшчәнлеге белән бәйле урыннарны күрсәтәчәкләр – бу Казан татар укытучылар мәктәбе, Гобәйдуллиннар йорты, Әл-Мәрҗани мәчете, «Мөхәммәдия» һәм «Мәрҗани» мәдрәсәсе, Мәрҗани йорты һәм урамы, бөек мәгърифәтчегә куелган һәйкәл.  </p> <p> Экскурсия 12:00 сәгатьтә башланачак, дип хәбәр итә ТР Милли музееның матбугат хезмәте.  </p> <p> Шулай ук Габдулла Тукай әдәби музеенда килгән заявкалар буенча татар телендә «Милләт өчен бәһа җитмәс кыйбат хәзрәт» дип аталган экскурсия-квест узачак. </p>

2023-01-18T16:59:00+0300