Казанның урамнары буйлап 9, 10 һәм 12 августта транспорт хәрәкәтен чиклиләр

Бу спорт ориентлашуы буенча Россия чемпионатын әзерләү һәм уздыру белән бәйле

Казанның берничә урамында 9, 10 һәм 12 августта транспорт хәрәкәтен чикләячәкләр. Бу спорт ориентлашуы буенча Россия чемпионатына әзерлек һәм аны уздыру белән бәйле.

9 августта 7:00 дән 12:30 га кадәр юлның түбәндәге участокларында хәрәкәтне чикләү кертеләчәк:

Ивановский төшүендә, Беренче Май мәйданыннан Профсоюз урамына кадәр;

Профсоюз урамында, Чернышевский урамыннан Ивановский төшүенә кадәр.

10 августта 8:00 дән 13:00 кә кадәр чикләүләр түбәндәге урамнарга кагылачак:

Зәйни Солтан урамында, Габдулла Тукай урамыннан Каюм Насыйри урамына кадәр (хәрәкәтнең ике юнәлешен туктатып тору);

Фатыйх Кәрим урамында, Габдулла Тукай урамыннан Каюм Насыйри урамына кадәр (хәрәкәтнең ике юнәлешен туктатып тору).

12 августта 8:00 дән 13:00 кә кадәр түбәндәге урамнарда хәрәкәт чикләнәчәк:

Малая Красная урамында, Адамюк урамыннан Солтангалиев мәйданына таба (хәрәкәтнең ике юнәлешен туктатып тору);

Пушкин урамындагы 78 нче йорттан Солтангалиев мәйданына кадәр (ике юнәлештә хәрәкәтне туктатып тору).

Исегезгә төшерәбез, ремонт эшләре белән бәйле хәрәкәт чикләүләре турында мәгълүмат махсус бүлектә бастырыла.

Шулай ук укыгыз

Барлык яңалыклар