“Төнге велофест” маршруты буенча транспорт хәрәкәте чикләнеләчәк

Узган елгы велойөрешләр хәйриячеләр һәм меценатларга багышланган иде.

(Казан шәһәре KZN.RU, 12-нче октябрь). 13-нче октябрьдән 14-нче октябрьгә каршы төндә Татарстан башкаласында икенче тапкыр “Төнге велофест” чарасы узачак. “Кунакчыл Казан” – бу елда велосипедта йөрүчеләр өчен төп темасы булачак, шуңа да маршрут Казанның төп истәлекле урыннары буенча уза. “Төнге велофест” маршруты буенча юлларда транспорт хәрәкәте чикләнеләчәк.

Велосипедчылар 13-нче октябрь көнне Беренче май мәйданыннан старт ала. Аларны юлда берничә тукталыш көтәчәк – Иске Татар бистәсендә, Елга портында, “Казан” гаилә үзәгендә, Ирек мәйданында. Велосипедчылар колоннасы маршруты буенча юлларда транспорт хәрәкәте чикләнеләчәк.

Исегезгә төшерәбез, узган елда “Төнге велофест” чарасында Казан, Мәскәү, Киров, Иркутск, Бөгелмә һ.б. шәһәрләрдән 5 меңнән артык велосипедчы катнашты. Узган елгы велойөрешләр хәйриячеләр һәм меценатларга багышланган иде.

Шулай ук укыгыз

Барлык яңалыклар