Россия Пенсия фонды: 1 октябрьгә кадәр федераль ташламаларга ия булучылардан социаль пакет алуга гаризалар кабул ителә

Социаль хезмәтләр җыелмасы үз эченә дару препаратларын, санаторий-курорт дәвалавына юлламаларны һәм бушлай йөрүне ала.

Фото: Марат Мугинов

(Казан шәһәре KZN.RU, 10-нчы сентябрь). 1-нче октябрьгә кадәр социаль хезмәтләр алу хокукына ия, әмма аның акчалата эквивалентын алучы федераль льготачылар тиешле гариза бирә һәм соцпакет алу хокукын кире кайтара ала.

Гаризалар КФҮдә һәм РФ Пенсия фондының территориаль органнарында алдан язылу яисә Россия Пенсия фонды сайтында шәхси кабинет аша кабул ителә. Хезмәтләрдән киләсе елның 1-нче гыйнварыннан файдаланырга мөмкин булачак.

Социаль хезмәтләр җыелмасы үз эченә түбәндәгеләрне ала:

рецептлар буенча медицина куллануы өчен дару препаратлары, рецептлар буенча медицина эшләнмәләре, инвалид балалар өчен дәвалау туклануының махсуслаштырылган продуктлары;

төп авыруларны профилактикалау өчен шифаханә-курорт дәвалануына юлламалар;

шәһәр яны транспортында бушлай йөрү, шулай ук шәһәрара транспортта дәвалану урынына кадәр бару һәм кире кайту.

Дару препаратларын дәүләт даруханәләре, төп авыруларны профилактикалау өчен санатор-курорт дәвалануына юлламаларны Социаль иминият фонды, шәһәр яны тимер юл транспортында бушлай йөрүне, шулай ук шәһәр яны транспортында дәвалану урынына бару һәм кире кайтуны Россия тимер юллары тәкъдим итә, дип хәбәр итә Россия Федерациясе Пенсия фондының Татарстан Республикасы буенча бүлеге матбугат хезмәте.

«Социаль хезмәтләр җыелмасын алу хокукына ия федераль льготачыларга ветераннар, инвалидлар, шул исәптән инвалид балалар, фашизмның балигъ булмаган элеккеге тоткыннары, радиация йогынтысына дучар ителгән затлар арасыннан аерым категорияләр керә. Бүгенге көндә Татарстан Республикасында дәүләт социаль ярдәмен 148 мең кеше ала», – дип билгеләп үтте Россия Пенсия фондының Татарстан Республикасы буенча бүлеге идарәчесе Эдуард Вафин.

Шулай ук укыгыз

Барлык яңалыклар