Шимбә көнне Татарстан башкаласында ретро-костюмнарда катнашучылар өчен беренче чаңгы узышы узачак

Өстенлектә – агач чаңгылар, боҗралы бамбук таяклары, совет костюмнары, әтәч-башлык

Совет стилистикасында беренче ретро-старт 8 февральдә Казанда «Россия чаңгы юлы» марафоны кысаларында узачак. Катнашучыларга мөмкин булганча ретро-костюмнарда килергә һәм үзләре белән шундый ук җиһазлар алырга тәкъдим итәләр.

Һәр чаңгычы ретро-образда дистанция узу турында истәлекле билге алачак. Спорт нәтиҗәләре генә түгел, тышкы кыяфәтләре дә бәяләнәчәк. Җиңүчеләр ретро-йөгерү медальләре белән бүләкләнәчәк. Агач чаңгы, боҗралы бамбук таяклар, совет костюмнары, әтәч-башлык белән булган спортчыларга өстенлек бирелә. Жюри фикеренчә, иң яхшы ретро-образны истәлекле бүләк – «Ак Барс» клубы уенчылары автографлары белән хоккей майкасы билгеләп үтәчәк, дип хәбәр иттеләр «Йөзьяшәрләр уеннары. Яшәү яме» телеграм-каналында.

Ретро-узыш «Локомотив» стадионында (Футбол ур., 1) узачак. Башлана 11:40 та

Элегрәк хәбәр ителгәнчә, 43 нче «Россия чаңгы юлы» марафоны программасы билгеле булды. Исегезгә төшерәбез: узышта катнашу өчен, дәүләт хезмәтләре порталында гариза бирергә кирәк. Моның өчен шәхси кабинетта эзләү юлына «Россия чаңгы юлы» сүзтезмәсен кертергә һәм табибтан рөхсәт булуны раслап язылырга кирәк.

Шулай ук укыгыз

Барлык яңалыклар