«Бердәм Россия» партиясе юлларны зур йөк машиналарыннан саклау өчен законнарга үзгәрешләр кертте

Үзгәрешләр бүген үз көченә керде

Бүген Россия юлларын зур йөк автомобильләреннән саклауга юнәлдерелгән яңа кагыйдәләр үз көченә керде. Административ хокук бозулар турындагы кодекска үзгәрешләр «Имин юллар» проекты кысаларында «Бердәм Россия» партиясе тарафыннан тәкъдим ителде.

Ел саен зур йөк машиналары илгә ике триллион сумга зыян китерә – бу якынча бөтен юл тармагына сарыф ителгән кадәр үк сумма. 2025 елның беренче яртысында мондый машиналарның 84% ы авырлык һәм габарит контроленнән качарга тырышкан, бу 2024 елдагы 68% белән чагыштырганда шактый күбрәк.

Хәзер зур йөк машиналары хуҗаларына җитди штрафлар яный. Тикшерү өчен туктау таләбен игътибарсыз калдырган өчен аларга 600 мең сум түләргә туры киләчәк. Шулай ук вазифаи затларга йөк ташу кагыйдәләрен бозган өчен штрафлар арттырылды, ә арендаторларны җаваплылыкка тартырга мөмкин булган вакыт хәзер бер ел тәшкил итә.

Кертелгән үзгәрешләр транспорт дисциплинасын яхшыртырга, аварияләрне киметергә һәм юлларны артык йөкләнеш аркасында килеп чыккан зарарланулардан сакларга мөмкинлек бирәчәк.

Шулай ук укыгыз

Барлык яңалыклар