«Черек күл» паркы «ПушкинФЕСТ» мәйданчыкларының берсе булачак

«Черек күл» паркы «ПушкинФЕСТ» мәйданчыкларының берсе булачак

<p> </p> <div class="detail-picture"> <img src="https://kzn.ru/upload/iblock/6aa/6aa66be0c8a5de261cdd72d9516cc39a.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 19 нчы май). Ел саен үткәрелә торган «ПушкинФЕСТ» рус мәдәнияте фестивале кысаларында зур гаилә бәйрәме «Черек күл» паркында узачак. </p> <p> <b>3 нче июньдә</b> Татарстан башкаласында яшәүчеләр һәм кунаклар мастер-классларда, халык уеннарында, яшьләр бию кичәсендә катнаша, шулай ук фольклор һәм заманча этно-коллективларның музыкасын тыңлый алачак.  </p> <p> <b>4 нче июньдә</b> программа XIX – XX гасыр башы дворян традицияләренә багышланачак. Каләм белән язу буенча мастер-класслар, әдәби лекцияләр, ярминкә, шигъри чыгышлар планлаштырылган. Көн дәвамында ретро-бию мәйданчыгы эшләячәк – музыканы тынлы оркестр башкарачак, ә кич зур классик концерт белән тәмамланачак.  </p> <p> Бу көннәрдә паркта шулай ук рус ашлары белән фуд-корт һәм ярминкә эшләячәк.  </p> <p> Фестиваль 13:00 сәгатьтән 21:00 сәгатькә кадәр дәвам итәчәк. Барлык чараларга керү ирекле, дип хәбәр иттеләр Пушкин исемендәге мәдәният үзәгендә.  </p> <p> «ПушкинФЕСТ» Казанда 1-6 нчы июньдә башка мәйданчыкларда да узачак. Исегезгә төшерәбез, ул рус шагыйре Александр Пушкинның туган көнендә билгеләп үтелә торган Рус теле көнен бәйрәм итүгә багышлана. </p>

2023-05-19T13:43:26+0300