“Ел табибы – Ак чәчәкләр-2018” бәйгесендә катнашучылар өчен онлайн-тавыш бирү ачылды

“Ел табибы – Ак чәчәкләр-2018” бәйгесендә катнашучылар өчен онлайн-тавыш бирү ачылды

<p> (Казан шәһәре KZN.RU, 24-нче май). 22 майдан 6 июньгә кадәр ТР Сәламәтлек саклау министрлыгы сайтында “Ел табибы – Ак чәчәкләр-2018” бәйгесе кысаларында онлайн-тавыш бирү бара. Казанлылар табиблар өчен үз тавышларын бирә ала.<br> </p> <p> Җиңүчеләр биш номинациядә билгеләнә. “Сәламәтлек саклау өлкәсе легендасы” номинациясе өчен тавыш биреп булмый. Һәр номинациядә өч катнашучы бар. </p> <p> 7-нче шәһәр клиник хастаханәсе, Төбәкара клиник-диагностика үзәге һәм Республика клиник хастаханәсе табиблары төркеме (6 кеше) “Уникаль очрак” номинациясендә җиңәргә мөмкин. Алар баш миендә зур шеш булган хатын-кызның гомерен саклап калдылар, аңа икенче баласын уңышлы гына табарга ярдәм иттеләр. </p> <p> Табиб-физиотерапевт, Сугыш ветераннары госпиталенең Реабилитация үзәгенең фәнни җитәкчесе Резеда Бодрова “Ел табибы” номинациясендә җиңүгә дәгъва итә, ә Республика клиник онкология диспансерының радионуклид терапия бүлегенең өлкән шәфкәть туташы Гөлнара Вафина – “Ел медицина хезмәткәре”. Моннан кала, “Беренчел звеноның иң яхшы табибы” номинациясендә җиңүче билгеләнәчәк. Бүләкләү тантанасы июньдә узачак, дип хәбәр ителә ТР Сәламәтлек саклау министрлыгы сайтында. </p> <p>   </p>

2018-05-24T12:45:03+0300