Яңалыклар
16.01.2024, 17:55
«Россия чаңгы юлы» массакүләм узышында катнашу өчен теркәлү ачылды
Казанда ярышлар биш мәйданчыкта оештырыла
Фото: Казан шәһәре KZN.RU
(Казан шәһәре KZN.RU, 16 нчы гыйнвар). XLII ачык массакүләм узышта катнашу өчен теркәлү башланган. Гаризаларны РФ Дәүләт хезмәтләре порталында кабул итәләр. Спорт чарасы Казанда 10 нчы февральдә узачак.
ТР башкаласында ярышлар биш мәйданчыкта узачак: Горки-Әмәт урманында, Гаврилов урамындагы Казансу елгасы үзәнендә, Нагорный поселогында, Юдино поселогындагы «Локомотив» стадионында һәм «Мирный» чаңгы-биатлон комплексында.
Старт номерын 5-9 нчы февральдә 9:00 дән 18:00 гә кадәр Казанның Үзәк стадионы матбугат үзәгендә алырга мөмкин булачак. Үзең белән медицина белешмәсе һәм страховка кирәк, дип хәбәр иттеләр шәһәр Башкарма комитетының Физик культура һәм спорт комитетында.
Массакүләм чаңгы узышы «Спорт – тормыш нормасы» федераль проекты буенча «Демография» илкүләм проекты буенча үткәрелә.
Исегезгә төшерәбез, узган сезонда «Россия чаңгы юлы»на 21 меңнән артык казанлы кушылды. Төп стартлар дүрт мәйданчыкта узды, шулай ук ярышларны «Мирный» чаңгы-биатлон комплексы кабул итте. Ярышларда иң яшь катнашучы – 3 яшьлек Ренат Фазлыев, ә иң өлкәне 73 яшьлек Владимир Горянкин булды.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
