Шәһәрлеләрдән Казан агломерациясенең мастер-планын эшләү өчен тәкъдимнәр кабул итәләр

Халык транспорт инфраструктурасын, җәмәгать киңлекләрен, торак төзелеш территорияләрен һәм тарихи мирасны үстерү идеяләре белән уртаклаша ала.

Фото: Екатерина Красуцкая

(Казан шәһәре KZN.RU, 13 нче апрель). 15 нче майга кадәр Татарстан башкаласы, шулай ук күрше муниципаль районнар халкы Казан агломерациясенең мастер-планын эшләү өчен тәкъдимнәр кертә ала.

Татарстанлылардан транспорт инфраструктурасын, җәмәгать киңлекләрен, торак төзелеш территорияләрен һәм тарихи мирасны үстерү буенча тәкъдимнәр кабул итәләр. Белгечләр мөрәҗәгатьләрне мастер-план төзегәндә анализлаячак, документ ел ахырына әзер булачак.

Казан агломерациясенең мастер-планы өстендә ТРның Киңлек планлаштыру институты Мәскәүнең Генплан институты белән берлектә эшли. Агломерациягә Казаннан тыш Югары Ослан, Биектау, Яшел Үзән, Питрәч, Лаеш муниципаль районнары һәм башкалар керәчәк, дип хәбәр итә ТР Төзелеш, архитектура һәм торак-коммуналь хуҗалык министрлыгының матбугат хезмәте.

Шулай ук укыгыз

Барлык яңалыклар