Көзге авыл хуҗалыгы ярминкәләре Казанның барлык районнарында 11 сентябрьдән башлана

Көзге авыл хуҗалыгы ярминкәләре Казанның барлык районнарында 11 сентябрьдән башлана

<p> </p> <div class="detail-picture"> <img src="https://kzn.ru/upload/iblock/11a/DEN_1398.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 6-нчы сентябрь, Ксения Швецова). 11-нче сентябрьдән Казанда традицион көзге авыл хуҗалыгы ярминкәләре башлана. Сәүдә һәр районда шимбә көннәрендә 15 мәйданчыкта оештырылачак. Татарстан башкаласы Мэры Илсур Метшин һәр мәйданчыкта сәүдә оештыруны контрольдә тотарга кушты. «Авыл хуҗалыгы ярминкәләре – Казанда яшәүчеләр өчен яңа продукция сатып алу мөмкинлеге ул», – диде ул бүген Казан Башкарма комитетында узган эшлекле дүшәмбедә. </p> <p> Фермерлар шәһәр халкына социаль яраклаштырылган бәяләрдән азык-төлек продукциясе тәкъдим итәчәкләр. Аерым алганда, ярминкәләрдә ит, яшелчә һәм башка азык-төлек продуктлары, шулай ук ярдәмче хуҗалык ихтыяҗлары өчен продукция – печән, салам, утын сатып алырга мөмкин булачак, дип хәбәр итте кулланучылар базары комитеты рәисе Руслан Фазылҗанов. </p> <p> Сәүдә шимбә көнне 15 мәйданчыкта оештырылачак. </p> <p> </p> <ul class="ul-li-tree"> <ul> </ul> <li>Авиатөзелеш районы<br> </li> <ul> <li>Дементьев ур., 7<br> <br> </li> <li>Беломорск ур., 69<br> <br> </li> <li>Ленинград ур., 27<br> </li> </ul> <li>Вахитов районы</li> <ul> <li>Татарстан ур., 53<br> <br> </li> <li>Чехов ур., 2</li> </ul> </ul> <ul class="ul-li-tree"> <ul> </ul> <li>Киров районы<br> </li> <ul> <li>Краснококшайск ур., 150/2<br> <br> </li> <li>Революция ур., 12<br> <br> </li> <li>Батыршин ур., 20<br> </li> </ul> <li>Мәскәү районы</li> <ul> <li>Шамил Усманов ур., 1</li> </ul> </ul> <ul class="ul-li-tree"> <ul> </ul> <li>Яңа Савин районы<br> </li> <ul> <li>Ямашев проспекты, 71а<br> <br> </li> <li>Академик Лаврентьев ур., 10<br> </li> </ul> <li>Идел буе районы</li> <ul> <li>Рихард Зорге ур., 66 <p> </p> </li> <li>Юлиус Фучик ур., 72</li> </ul> </ul> <ul class="ul-li-tree"> <ul> </ul> <li>Совет районы<br> </li> <ul> <li>Аграрная ур., 2 <p> </p> </li> <li>Липатов урамы, 7</li> </ul> </ul> <p> Р.Фазылҗанов сүзләренчә, Вахитов районында яшәүчеләр соравы буенча, бу сезонда исемлеккә Чехов базары янындагы мәйданчык яңадан кертелгән. «Мөрәҗәгатьләр чыннан да күп иде, – дип раслады шәһәр башлыгы. – Без ярминкәне хәзерге вакытта реконструкциягә ябылган базар янындагы мәйданчыкта оештырабыз. Бу зур булмаган мәйданчык, әмма район кешеләренең авыл хуҗалыгы продукциясен алу өчен җәяү барып җитү мөмкинлеге барлыкка киләчәк». </p> <p> «Салават күпере» микрорайонында яшәүчеләр өчен ярминкә яңадан «Радужный» сәүдә үзәгенең парковкасында оештырылачак. </p> <p> «Һәр сәүдә мәйданчыгында Татарстанның 22 муниципаль районы, шулай ук республиканың агросәнәгать комплексының 20-дән артык оешмасы – «Татпотребсоюз», «Майский» теплица комбинаты, «Ак Барс» холдинг компаниясе, кошчылык фабрикалары һәм башкалар катнашачак, – дип хәбәр итте Р.Фазылҗанов. – Бүгенге көндә сәүдә урыннарын әзерләү буенча эш алып барыла». </p> <p> Ярминкәләр үткәрү урыннарында җәмәгать тәртибен һәм юл хәрәкәте куркынычсызлыгын Россия Эчке эшләр министрлыгының Казан буенча идарәсе хезмәткәрләре тәэмин итәчәк, дип өстәде ул. </p> <p> Теләсә нинди массакүләм чаралардагы кебек үк, ярминкәләрдә дә санитар-эпидемиологик нормалар үтәләчәк – сатучыларга да, халыкка да социаль дистанцияне үтәргә кирәк. </p> <p> «Без авылларда эшләүчеләргә, авыл хуҗалыгы продукциясе җитештерүчеләргә рәхмәт белдерәбез. Бу авыр хезмәт, шуңа күрә җитештерүчеләргә, фермерларга хөрмәт белән каравыгызны үтенәм, – диде Казан Мэры. – Авыл кешеләре үз продукциясен сата алсын өчен барлык шартларны да тудырырга кирәк. Шул ук вакытта халыкның иминлеген тәэмин итәргә кирәк – барлык фермерларның тиешле документлары, белешмәләре булырга тиеш. Әмма бернинди артык тикшерүләр дә кирәкми – бу газаплы йөрүгә әверелергә тиеш түгел». И.Метшин район башлыкларына һәм барлык җаваплы хезмәткәрләргә һәр мәйданчыкта сәүдә оештыруны тикшереп торырга кушты. </p> <p> Авыл хуҗалыгы ярминкәләре 25-нче декабрьгә кадәр эшләячәк. </p> <p>   </p>

2021-09-06T11:07:17+0300