Чаңгы ярышлары буенча Казан чемпионаты һәм беренчелегенең беренче җиңүчеләре билгеле булды

Чаңгы ярышлары буенча Казан чемпионаты һәм беренчелегенең беренче җиңүчеләре билгеле булды

<p> (Казан шәһәре KZN.RU, 2-нче март). Бүген Татарстан башкаласында Россия Герое С.А.Ашихмин истәлегенә чаңгы ярышлары буенча Казан чемпионаты һәм беренчелеге ярышларының беренче көне тәмамланды. Ярышларда 153 спортчы катнаша. </p> <p> Ирекле стиль белән чаңгы ярышларында 2003-2004 елгы егетләр арасында беренче урынны Дамир Абдуллин алды. Икенче урынны Камил Нәбиуллин алды, өченче урынны Рашат Заһидуллин яулады. Аларның өчесе дә "Вершина" балалар-яшүсмерләр спорт мәктәбендә шөгыльләнә. </p> <p> "Вершина" балалар һәм яшүсмерләр спорт мәктәбендә тәрбияләнүче кызлар 2003-2004 елгы кызлар арасында иң көчлеләр дип табылды. Беренче урында Диана Тетюшина, икенче урында Рябова Амалия, өченче урында Анастасия Данилова тора. </p> <p> 2001-2002 елгы егетләр арасында иң яхшы нәтиҗәне "Вершина" балалар-яшүсмерләр спорт мәктәбеннән Артур Шәйхуллин күрсәтте. Икенче урында Александр Галиев (Казан суворов хәрби училищесы). "Барс" балалар-яшүсмерләр спорт мәктәбеннән Никита Захаров бронза медаль яулады. </p> <p> 2001-2002 елгы кызлар арасында Анна Галиева җиңү яулады. Призерлар өчлегенә шулай ук Анастасия Мөхәммәтҗанова һәм Ульяна Кумаева керде. Аларның өчесе дә Олимпия резервы училищесын тәкъдим итә. </p> <p> "Вершина" балалар-яшүсмерләр спорт мәктәбеннән Руслан Петров 1999-2000 елгы яшүсмерләр арасында чаңгы ярышында җиңде, шулай ук Идел буе физкультура, спорт һәм туризм академиясеннән Антон Стрелков һәм Владислав Алексеев призерлар булдылар. </p> <p> Идел буе физкультура, спорт һәм туризм академиясеннән Алинә Галимҗанова 1999-2000 елгы яшүсмерләр арасында финишка беренче булып килде. "Вершина" балалар-яшүсмерләр спорт мәктәбеннән Эвелина Әхмәрова көмеш медаль яулады. </p> <p> Идел буе физкультура, спорт һәм туризм академиясеннән Алмаз Таипов 1998 елгы һәм аннан өлкәнрәк спортчылар арасында җиңү яулады. Казанлы Тимур Садыйков көмеш медаль яулады. Өченче урында - Виталий Талманов (Идел буе физкультура, спорт һәм туризм академиясе). </p> <p> 1998 елгы һәм аннан өлкәнрәк хатын-кызлар арасында Казаннан Алинә Сабурская җиңүче булды. Казаннан тагын бер спортчы Александра Поповнина финишка икенче килде. </p> <p> 3 мартта ярышларның соңгы көне, катнашучыларга дистанцияне классик йөреш белән узарга туры киләчәк, дип хәбәр иттеләр Казанның физкультура һәм спорт комитетында. </p>

2019-03-02T17:20:05+0300