«Новая волна» («Яңа дулкын») халыкара конкурсының программасы билгеләнде

Билетларны рәсми билет операторларыннан гына сатып алырга киңәш ителә

21—26 август көннәрендә Казанда узачак «Яңа дулкын 2025» («Новая волна 2025») халыкара яшь башкаручылар конкурсына билетлар сату башланды. Оештыручылар конкурска билетларны билет операторларының рәсми сайтларыннан гына алырга киңәш итә.

Сатулар башланганнан бирле мошенниклык схемалары ешайды, дип хәбәр итә шәһәр Башкарма комитетының мәдәният идарәсе. Җинаятьчеләр ялган билетларны чит интернет-сайтларда сата. Оештыручылар мондый билетларны алыштыру өчен җаваплылыкны үз өстенә алмыйлар һәм аларны түбәндәге операторларның сайтларында сатып алырга киңәш итәләр: Icetickets.ru һәм KASSIR.RU.

Шулай ук конкурс программасы билгеләнде, аның белән бераз соңрак newwavecontest.ru сайтында танышырга мөмкин булачак.

21 август — яшь башкаручыларның «Яңа дулкын 2025» халыкара конкурсын ачу тантанасы.

22 август — Лариса Долинаның йолдызлар катнашында 1 нче конкурс көне һәм иҗат кичәсе.

23 август — 2нче конкурс көне һәм Премьералар көне.

24 август — «Иванушки International» төркеменең 3 нче конкурс көне һәм концерт-трибьюты.

25 август — ретро-хитлар белән йолдызларның Гала-концерты.

26 август — яшь башкаручыларның «Яңа дулкын 2025» халыкара конкурсын ябу тантанасы.

Финалчылар белән беррәттән сәхнәдә Россия эстрадасы йолдызлары Филипп Киркоров, Ирина Аллегрова, Николай Басков, Стас Михайлов, Сергей Лазарев, Алексей Чумаков, Дима Билан, Лев Лещенко, Алсу, IOWA, Лариса Долина, Александр Панайотов, Сосо Павлиашвили, Александр Иванов, Akmal (Акмаль), Григорий Лепс, Мари Краймбрери, Валерий Леонтьев чыгыш ясаячаклар. Леонид Агутин, Владимир Пресняков, Игорь Николаев, Олег Газманов, Bearwolf, Клава Кока, Jа Свик, Jony, шулай ук «Artik & Asti», «Иванушки», «Дискотека Авария» кебек музыкаль төркемнәр.

Исегезгә төшерәбез, «Яңа дулкын» («Новая волңа») халыкара конкурсын булдыру идеясе композиторлар Раймонд Паулс һәм Игорь Крутойныкы. 2002 елдан 2014 елга кадәр ул — Юрмалада, аннары 2015 елдан 2019 елга кадәр — Сочида, 2021 елдан 2024 елга кадәр Сириуста уздырылган. Казан беренче тапкыр конкурс уздыру мәйданчыгы булачак.

Шулай ук укыгыз

Барлык яңалыклар