В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
07.11.2025, 13:31
57 меңгә якын казанлы метрода йөргән өчен биометрия буенча түләгән
Яңа ысул юлда йөргән өчен түләү процессын тизләтә
«Метроэлектротранс» муниципаль унитар предприятиесе фотосы
Казан метросында 57 меңгә якын кеше «караш» белән түләү мөмкинлегеннән файдаланган. Юлда йөргән өчен биометрия буенча түләүче пассажирлар саны күбәя бара: октябрьдә әлеге күрсәткеч 52 мең пассажирдан артып киткән.
Бу ысулны сайлаганда турникетта түләү өчен карталар, акча янчыклары һәм телефоннар кирәкми. Турникетка беркетелгән махсус терминалга карауга, пассажирдан юлда йөрү өчен акча алына. Әлеге хезмәттән файдалану өчен «Госуслуги Биометрия» кушымтасы аша Бердәм биометрия системасында алдан теркәлергә кирәк. Барлык мәгълүматлар да яшерен сакланганга, түләү системасы куркынычсыз дип санала.
Биометрияне ел ахырына кадәр тиз түләүләр системасы аша кулланган пассажирлар һәр сәфәрдән 15 сум күләмендә кэшбэк ала, дип хәбәр итә «Метроэлектротранс» муниципаль унитар предприятиесе матбугат хезмәте.
Сораулар булган очракта, +7 (953) 402-28-80 телефон номеры аша элемтәгә керергә була.
Шулай ук укыгыз
-
24.11.2025, 17:55 -
24.11.2025, 17:41 -
24.11.2025, 17:20 -
24.11.2025, 17:03