5 меңгә якын студент «Язгы тамчы – 2020» фестивалендә иҗади номерлар тәкъдим итәчәк

Гала-концерт 30-нчы мартта Казанда узачак.

(Казан шәһәре KZN.RU, 11-нче март). Казанда һөнәри белем бирү оешмалары студентлары арасында «Язгы тамчы – 2020» шәһәр фестивале старт алды. Быел анда 28 мәгариф учреждениесеннән 5 меңнән артык студент катнашачак.

«Язгы тамчы» фестивале гадәттәгечә 5 юнәлешне үз эченә ала: музыка, бию, театр, үзенчәлекле жанр һәм интеллектуаль юнәлеш. Шулай ук быел өч махсус бүләк кертелде: «Татарстан АССР төзелүнең 100 еллыгы» фестиваль темасын ачу, Бөек Ватан сугышында Җиңүнең 75 еллыгын бәйрәм итүгә багышланган «Хәтер һәм Дан елы» ел темасын ачу һәм яшь режиссерларның иң яхшы эше өчен.

Фестивальнең беренче этабында оештыручылар сайлап алу чаралары үткәрә. Шулай итеп, конкурс программаларын карау 3-нче марттан 5-нче мартка кадәр мәгариф учреждениеләренең концерт залларында узды, 11-нче марттан 13-нче мартка кадәр сайлап алу Казанның А.Гайдар исемендщге яшьләр үзәгендә уза. Һәр белем бирү оешмасы 30 минуттан да артык булмаган концерт программасын тәкъдим итә. Студентларның номерларын профессиональ жюри бәяләячәк.

Сайлап алу этапларында җиңүчеләр катнашында фестивальнең гала-концерты 30-нчы мартта В.Ленин исемендәге мәдәни-күңел ачу комплексында узачак, дип хәбәр итә Балалар һәм яшьләр эшләре комитеты.

Шулай ук укыгыз

Барлык яңалыклар