Казан халкының 10 %ка якыны шәхси торак йортларда яши

Халык санын алу барышында җиде сорау торак шартлары турында мәгълүматлар җыю өчен кулланылачак «П» формасы бланкында булачак.

(Казан шәһәре KZN.RU, 19-нчы июнь). Киләсе Бөтенроссия халык санын алу барышында җыелачак россиялеләрнең торак шартлары турындагы белешмәләр торакны капиталь төзекләндерү буенча федераль һәм төбәк торак программаларын эшләү өчен кыйммәтле мәгълүмат булачак. Бу хакта Казан шәһәрендәге Дәүләт статистикасы бүлегендә Татарстанстат хәбәр итте.

Исегезгә төшерәбез, РФ халкы исәпкә алу кәгазьләрендә бланкларның өч формасында булган 30 сорауга җавап бирергә тиеш. Җиде сорау халыкның торак шартлары турында мәгълүматлар җыю өчен кулланылачак «П» формасы бланкында булачак. Респондентлардан торак урын тибы, йорт төзелеше вакыты, фатирның гомуми мәйданы, бүлмәләр саны, торак урынны төзекләндерү төрләре турындагы сорауларга җавап бирүне сораячаклар.

Торак типларына шәхси йорт, аерым фатир, коммуналь фатир, тулай торак, кунакханә һ.б. кертелгән. Халыктан шулай ук кайнар һәм салкын су белән тәэмин ителеш (үзәкләштерелгән, бойлер, кое); җылыту төре (үзәкләштерелгән, казан, мич); телекоммуникацияләр, санитария-гигиена шартлары булу (ванна, душ, бәдрәф) турында да сораячаклар.

Шунысын да билгеләп үтәргә кирәк, 2002 елгы халык санын алу барышында россиялеләрдән торак урыннарын төзекләндерү турында беренче тапкыр сораганнар. 2010 елда күчереп алу кәгазьләрендә торак шартлары турында төгәлрәк мәгълүматлар булган.

ВПН-2010 нәтиҗәләре буенча Казанда 1143,5 мең кеше яшәгән. Шәхси торак фондының шәхси (бер фатирлы) йортларында 115,2 мең кеше (10%) яшәве турында хәбәр иткәннәр, аерым фатирларда - 904,9 мең казанлы (79%). 52,8 мең кеше (4,6%) тулай торакларда яшәүләре турында җиткергән.

Җыелган мәгълүматлар статистикаларга кешегә яки йорт хуҗалыгына туры килә торган торак мәйданының уртача күләмен исәпләргә ярдәм итәчәк. Шулай ук бу белешмәләр торакны капиталь төзекләндерү буенча федераль һәм төбәк программаларын эшләү өчен кыйммәтле база мәгълүматы булачак.

Россия халкының саны һәм структурасы турында актуаль мәгълүматлар Бөтенроссия халык санын алуны уздырганнан соң алыначак. Моңа кадәр Бөтенроссия халык санын алуның төп этабы 2020 елның 1-нче октябреннән 31-нче октябренә кадәр узар, дип планлаштырылган иде. Илдә катлаулы эпидемиологик вәзгыять белән бәйле рәвештә Росстат аны 2021 елга күчерү тәкъдиме белән чыкты. Бөтенроссия халык санын алуны уздыру сроклары Россия Федерациясе Хөкүмәте тарафыннан билгеләнәчәк. Алдагы халык санын алу ил тарихында уникенче булачак һәм яңа - цифрлы форматта узачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар