Казанда 14 яшьлек кыз катнашындагы юл-транспорт һәлакәте шаһитларын эзлиләр

Ул тиешле булмаган урында юл аркылы чыга һәм машина көпчәкләре астына эләгә.

Фото: Денис Гордийко

(Казан шәһәре KZN.RU 15-нче ноябрь). Казан дәүләт автоинспекциясе 13-нче ноябрьдә Голубятников урамында 8:25 сәгатьтә булган юл-транспорт һәлакәте шаһитларының элемтәгә чыгуын сорый. Зыян күрүче булып тиеш булмаган урында юл аркылы чыккан 14 яшьлек кыз тора.

Билгесез машина йөртүче, Голубятников урамы буйлап Короленко урамы ягыннан Мусин урамы юнәлешендә, Голубятников урамындагы 28-нче номерлы йорт каршында яшүсмерне бәрдерә. Кыз, башлангыч мәгълүматлар буенча, транспорт хәрәкәте уңаена сулдан уңга тиешле булмаган урында юл аркылы чыга.

Машина йөртүче вакыйга урыныннан качкан. Зыян күрүче төрле дәрәҗәдәге җәрәхәтләр алган. Медицина ярдәме күрсәтелгәннән соң ул травматология пунктыннан өенә җибәрелгән.

Казан дәүләт автоинспекциясе бу вакыйганы үз күзләре белән күргәннәрдән түбәндәге телефоннарга шалтыратуларын сорый: +7(843)533-38-19, +7(843)533-38-19, +7(843)533-38-48.

12-нче ноябрьдән 14-нче ноябрьгә кадәр Татарстан башкаласында 431 юл-транспорт һәлакате теркәлгән, шуларның 11-е – зыян күрүчеләр белән. Нәтиҗәдә, 6 җәяүле, 3 йөртүче һәм 2 пассажир төрле авырлыктагы җәрәхәтләр алган, алган җәрәхәтләрдән бер пассажир урында вафат булган, дип хәбәр итә Россия Эчке эшләр министрлыгының Казан буенча идарәсе ЮХИДИ бүлегенең пропаганда бүлеге.

Шулай ук укыгыз

Барлык яңалыклар