Авыр тормыш хәлендә калган балаларга булышлык итү буенча инновацион социаль проектлар бәйгесе игълан ителде

Җиңүчеләргә проектларын гамәлгә ашырырга грант биреләчәк.

(Казан шәһәре KZN.RU, 16-нчы март). Авыр тормыш хәлендә калган балаларга булышлык итү фонды социаль яктан йомшак балалар һәм гаиләләргә ярдәм итү өлкәсендә инновацион социаль проектлар бәйгесендә катнашу өчен гаризалар кабул итә.

Бәйгедә муниципаль берәмлекләр, дәүләт һәм муниципаль учреждениеләр, илебезнең дәүләтнеке булмаган коммерцияле булмаган оешмалар, социаль яклау, социаль үсеш, сәламәтлек саклау, мәгариф, мәдәният, яшьләр сәясәте, физик культура һәм спорт, халыкны гадәттән тыш хәлләрдән саклау өлкәләрендә эшләүче иҗтимагый берлекләр катнаша ала. Проектлар инвалид балаларның һәм сәламәтлекләре ягыннан мөмкинлекләре чикләнгән балаларның ата-аналарына булышлык итү һәм закон белән каршылыкта торучы бәлигъ булмаган балаларның мәшгулиятләренә булышлык итү темаларына багышланган булырга тиеш.

Җиңүчеләргә уртак финанслау шарты белән проектларын гамәлгә ашыру өчен максатлы грантлар биреләчәк. Бәйгене уздыру тәртибе, гариза бирү формасы турында тулырак мәгълүмат белән фонд сайтында танышырга мөмкин.

Шулай ук укыгыз

Барлык яңалыклар