Гомумшәһәр өмәсе Казанда 27 апрельдә узачак

Шәһәрне санитар чистарту буенча икеайлык 1 апрельдән 31 майга кадәр дәвам итәчәк.

(Казан шәһәре KZN.RU, 28-нче февраль). 1 апрельдә Казанда шәһәрне санитар чистарту һәм төзекләндерү буенча икеайлык старт ала, ә 27 апрельдә Татарстан башкаласында гомумшәһәр өмәсе үткәрелә. Тиешле карар шәһәр Башкарма комитетында имзаланган.

Өмәләргә шәһәр паркларын, скверларны һәм башка җәмәгать киңлекләрен, шулай ук ишегалды территорияләрен тәртипкә китерүче барлык теләүчеләр дә кушыла алачак. Шәһәрне санитар чистарту буенча икеайлык 31 майга кадәр дәвам итәчәк.

Исегезгә төшерәбез, узган ел гомумшәһәр өмәсендә 1,5 меңнән артык предприятие һәм 55 мең кеше катнашты, 400 берәмлек техника җәлеп ителде. Нәтиҗәдә шәһәрнең 75 җәмәгать территориясе чистартылды, калдыкларны күмү полигоннарына 10,5 мең куб.м чүп чыгарылды. Шуны да билгеләп үтәргә кирәк, узган ел өмә беренче тапкыр калдыкларны аерым җыю кагыйдәләре буенча оештырылган иде.

Шулай ук укыгыз

Барлык яңалыклар