Дмитрий Кремлевка «Татарстан Республикасының Атказанган мәгълүматлаштыру һәм элемтә хезмәткәре» исеме бирелде

Казан Башкарма комитетының Мәгълүмати технологияләр һәм элемтә идарәсе башлыгына бүләкне ТР Рәисе Цифрлы үсешкә ярдәм итү ассоциациясе утырышында тапшырды

Фото: Денис Гордийко

(Казан шәһәре KZN.RU, 17 нче гыйнвар). Татарстан башкаласында, «Татэнергосбыт» АҖ мәйданчыгында Цифрлы үсешкә ярдәм итү ассоциациясе утырышы узды. Анда ТР Президенты Рөстәм Миңнеханов, Казан Мэры Илсур Метшин катнашты. «Цифрлы Казан» проектын гамәлгә ашыру турында республика башлыгына шәһәр Башкарма комитетының Мәгълүмати технологияләр һәм элемтә идарәсе башлыгы Дмитрий Кремлев җиткерде. Утырыштан соң узган тантанада Рәис аңа «ТРның Атказанган мәгълүматлаштыру һәм элемтә хезмәткәре» дигән мактаулы исем бирде һәм күкрәк билгесен тапшырды.

Утырышта юридик затлар белән хезмәттәшлек итү һәм күпфатирлы йортларда электр энергиясен исәпкә алуның интеллектуаль системасын кертү турында фикер алыштылар. Моннан тыш, электр челтәре оешмаларында мәгълүматларны анализлау технологиясен һәм машина өйрәтүне куллану, «Коммуналь түләүләр» торак-коммуналь хуҗалыгының биллинг системасын үстерү, «ПЖКХ» ИК» ҖЧҖ һәм «Татэнергосбыт» АҖнең үзара хезмәттәшлеге һәм башка аспектлар мәсьәләләре күтәрелде.

2009 елдан «Татэнергосбыт» республиканың электр энергиясе һәм ТКХ хезмәтләре җитештерүчеләре һәм кулланучылары арасында бәйләүче звено булып тора. Предприятие заманча электрон проектлар кертә, шуларның берсе – «Бердәм исәп-хисап үзәге». Республика башлыгы сүзләренчә, аның ярдәмендә клиентлар өчен сервисны яхшырту, түләүләрнең ачыклыгын һәм җыелучанлыгын тәэмин итү, шулай ук исәпләүләрнең закон таләпләренә туры килүен гарантияләүгә ирешелде.

«Татарстанда торак-коммуналь хезмәтләр өчен түләүләр җыю дәрәҗәсе 99% тан артып китә. Күп очракта бу нәтиҗә бердәм исәп-хисап үзәгенең республикадагы торак фондның 82% ына хезмәт күрсәтү белән бәйле. Шул ук вакытта муниципалитетларда Бердәм исәп-хисап счеты белән исәп-хисапка күчү буенча резервлар бар», - дип билгеләп үтте Рөстәм Миңнеханов. Ул муниципаль район башлыкларына ТР Төзелеш, архитектура һәм торак-коммуналь хуҗалык министрлыгы, торак инспекциясе белән берлектә бу юнәлештә эшне көчәйтергә кушты.

Аннары утырышта «ТРда генетик мәгълүматларның цифрлы платформасын булдыру концепциясе» һәм «Татэнергосбыт» АҖ тарафыннан электр энергетикасында һәм ТКХда финанс агымнары дисциплинасын тәэмин итү» турында докладлар тыңланды.

Фоторепортаж

Казанда Цифрлы үсешкә ярдәм итү ассоциациясе утырышы узды

Шулай ук укыгыз

Барлык яңалыклар