Чираттагы бушлай лекциядә «Эрмитаж-Казан» үзәгенең кешегә күренми торган урыннары һәм хезмәте турында сөйләячәкләр

Шәһәрлеләр күргәзмә темасын ничек сайлауларын һәм проектның кураторы кем булуын беләчәкләр.

Фото: Екатерина Красуцкая

(Казан шәһәре KZN.RU, 18 нче ноябрь). 23 нче ноябрьдә Казан халкына «Эрмитаж-Казан» үзәгенең музей сәхнә арты, яки дөнья шедеврлары Казан Кремлендә ничек күрсәтелә» дигән бушлай лекция укыячаклар.

Тыңлаучылар алдында үзәк җитәкчесе Маргарита Тихонова чыгыш ясаячак. Ул күргәзмә темасының ничек билгеләнүен һәм проект кураторы кем булуын сөйләячәк. Шулай ук халык Санкт-Петербургтан Казанга экспонатлар китерү, экспозиция, тактиль станцияләр төзү, экспликация һәм этикетажның мөһимлеге турында белә ала.

Очрашу Гавами урыннарның икенче катында 18:30 сәгатьтә башлана. Лекциягә керү – алдан теркәлү буенча, дип хәбәр итә музей-тыюлыкның матбугат хезмәте.

«Эрмитаж-Казан» үзәге 2005 елда ачылды. Ул Россиядә Дәүләт Эрмитажының беренче вәкиллеге булды. Үзәктә 17 ел эшләү дәверендә «Матисс. Пикассо. Шагал», «Бөек Екатерина. Россия империясенең алтын гасыры», «Бәхетнең биш символы» һ.б. проектлар тормышка ашырылды.

Хәзер үзәктә «Фламанд сәнгатенең алтын гасыры» күргәзмәсе тәкъдим ителгән, анда рәссамнар Питер Пауль Рубенс, Антонис Ван Дейк, Якоб Йорданс, Кече Дэвид Тенирс эшләрен күрергә була.

Шулай ук укыгыз

Барлык яңалыклар